Saumu 74:2 - Ritonõpo Omiry: A Bíblia Sagrada na língua Aparai do Brasil

² Wenikehpyra exiko opoetory tõ poko, tymenekase toto oya pake opoetoryme toto ehtohme. Typynanohse toto oya imehnõ namotome toto ahtao, amaro toto ehtohme. Wenikehpyra exiko ypy Xião poko, oesahpyry.

Saumu 74:2 ပူးပေါင်းရင်းမြစ်များ

Saumu 106:40

Naeroro typoetory tõ zehno toehse Ritonõpo, typenekehse ynororo toto poko.

Saumu 135:4

Jako tymenekase eya topeme aehtohme, Izyraeu tõ tymenekase eya tykyryry kurãme toto ehtohme.

Saumu 33:12

Tãkye mã mokaro tosẽke exiketomo, Ritonõpo ke! Tãkye kuhse mã toto tymenekase exiketomo Ritonõpo a typoetoryme!

Saumu 68:16

Oty katohme matou ypy tõ kaehxo exiketõ poe Ritonõpo nymenekahpyry zumoxike sã enẽko matou? Moroto jũme Ritonõpo ehse exĩko mana.

Saumu 77:15

Ajamitunuru ke opoetory tõ typynanohse oya, Jako pakomotyamo te, Joze pakomotyamo, enara.

Saumu 9:11

Oeremiatoko Ritonõpo eahmaryme, tuisa imehxo mana Jerusarẽ po. Imeimehnõ nonory põkõ zurutoko inyrityã poko.

Saumu 9:12

Wenikehpyra Ritonõpo mana taosanumase exiketõ poko; pusuhkatoh poko eya xine wenikehpyra mana, imehnõ osanumary se exiketõ wãnohnõko mana.

Saumu 94:14

Typoetory tõ onurumekara exĩko Ritonõpo mana; tosẽkõme tonetupuhnanõ onynomopyra mana.

Exutu 15:13

Yna pyno oexiryke, opoetory tõ arõko mase typynanohse toto oya, ajamitunuru ke tarose toto oya ononory kurã pona, Ritonõpo.

Exutu 15:16

Enaromỹke toehse toto, ouno mã toto ipunaka. Ajamitunuru eneryke tyya xine totypohse mã toto, topume anyhtahpyry sã toexirykõke, opoetory tõ ytoytory eneryke tyya xine, opoetory tõ typynanohse oya Ejitu põkõ namotome toto ahtao.

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Izaja 62:12

Mame oesehpãko mã toto: “Ritonõpo poetory kurãme,” “Ahno, Ritonõpo a typynanohse aexityamo.” Pata Jerusarẽ esehtõko roropa mã toto, “Moro pata, Ritonõpo ipyno mana,” “Moro pata onurumekara Ritonõpo nexiase.”

Izaja 62:6

Jerusarẽ, apatary apuru po erase tõ tyrise ya. Ah mynyhme pyra nexĩ toto saereme ahtao, koko ahtao, enara. Ah noturũ toto Ritonõpo a aomihpyry poko, jũme wenikehpyra tyripotohme ynororo moro poko.

Izaja 63:17

Ritonõpo, oty katohme azahkuru yna ripõko mah, õmiry omipona pyra toehse yna, otato pyra toehse, onyripohpyry turumekase yna a? Ritonõpo, osehko ropa yna a, opoetoryme yna exiryke, ahno rãnao onymenekatyãme ynanase.

Izaja 63:9

toto etuarimatoh wino. Eya nymyry typynanohse toto, inenyokyhpyry kara, imepỹ urutõ a pyra roropa. Toto pyno toexiryke toto wãnopyry se pyra toexiryke roropa typynanohse toto eya; kokoro rokẽ tanỹse toto eya, tonao tanỹse roropa toto eya, jeimamyry punero.

Jeremia 10:16

Yrome Jako Esẽ mokaro sã pyra mana; emero Rihpõme mã ynororo, Izyraeu tõ tymenekase eya typoetoryme toto ehtohme. Esety mã Ritonõpo, Jamihmehxo Exikety.

Jeremia 51:19

Ritonõpo, Jako Esemy, mokaro sã pyra mana. Emero Rihpõme mana. Izyraeu tymenekase eya typoetoryme toto ehtohme. Esety Kuesẽkõme mana, Jamihmehxo Exikety.

Atos 20:28

Osepyno ehtoko. Jezu enetupuhnanõ roropa pyno ehtoko emero, toto esãme oexirykõke Ritonõpo Zuzenu poe. Mokaro mã topekahse Jezu a toorikyry ke.

Teuteronomiu 32:9

Yrome Jako poenõ, ipakomotyã roropa tymenekase eya typoetoryme toto ehtohme.

Teuteronomiu 4:20

Yrome amarokõ typynanohse matose Ritonõpo a, Ejitu poe tonehse eya apoto ẽ tae samo, typoetoryme oritohkõme. Moro sã matose seromaroro.

Teuteronomiu 9:26

Ynara oturuase Ritonõpo a: “Ritonõpo yna Esemy! Opoetory tõ onenahkara exiko, onymenekatyamo. Ajamitunuru ke orẽpyra oexiryke toto typynanohse oya, Ejitu poe tonehse oya, imehnõ namotome toto ahtao.

Teuteronomiu 9:29

Yrome opoetoryme mã toto, onymenekatyamo opoetoryme toto ehtohme, typynanohse toh nexiase oya Ejitu poe ajamitunuru ke orẽpyra oexiryke.”

Titu 2:14

Mokyro tõsekarose toorihtohme kymyakãkõme, kyjamihtanohtohkõme, kyyrypyrykõ poko pyra kuehtohkõme, kukurohtao xine kukurikatohkõme roropa, ipoetoryme nymyry kuehtohkõme, mãsa rokẽ pyra aomipona kuehtohkõme.

Apokaripxi 5:9

Mame tyrisenã eremiatoh tukuhse toto a. Ynara nase toto: “Kurãme oexiryke moro pape apoiry waro mase. Etapuruhmakary waro roropa mase toxixihmase oexiryke. Oorihtopõpyryke yna mepekatyase Ritonõpo poetoryme yna ehtohme. Emero ituakyry maro mepekahne emero omiry poe, emero ahno maro, emero pata tamuru poe.