Saumu 71:3 - Ritonõpo Omiry: A Bíblia Sagrada na língua Aparai do Brasil

³ Ritonõpo, jesary jamihme exiko, topuimo samo, tapyi topu risẽ samo, josewomatohme! Jesary jamihme mase, topuimo; ytapyiny topu risẽme.

Saumu 71:3 ပူးပေါင်းရင်းမြစ်များ

Saumu 144:2

Jewomaneme mana, jakorehmaneme roropa. Ytapyĩme jamihmã mana, ypynanohne roropa. Enetuputyryke ya imaro osewomãko ase. Imehnõ nonory põkõ poremãkãko mã ynororo, ypoetoryme toto ehtohme.

Saumu 18:2

Ritonõpo ytopũme konõto nase, jeraseme nase, ytapyĩ jamihmano. Ypynanohneme roropa nase, imaro jexiryke yporemãkasaromepyra jepetõkara mana. Ritonõpo Jesemy jewomãko nase tõsewomatohke jehtohme; ytapyĩme nase, imaro enaromyra ase.

Saumu 18:3

Ritonõpo kohmãko ywy jakorehmatohme; ypynanohnõko mana yporemãkara jepetõkara ehtohme. Kuesẽkõ seahmatone!

Saumu 42:8

Ah ypyno toexiry enepono ya saereme ahtao, morarame koko eremiãko ase ipoko, jotururume Ritonõpo a isene jyriponeme exikety.

Saumu 44:4

Ritonõpo, utuisaryme mase, Jesẽme roropa; orẽpyra opoetory tõ rineme mase.

Saumu 68:28

Ritonõpo, ajamitunuru enepoko yna a, ajamitunuru ke takorehmase yna exiryke.

Saumu 89:27

Aenuruhpyry osemazuhme exikety imehxo ehtoh ekarõko ase eya, imehxo mokyro rĩko ase, imehnõ tuisa tõ emero motye, sero nono po.

Saumu 90:1

Ritonõpo, yna tapyime mase, moino ro apitorymã poe tarona.

Saumu 91:9

Ritonõpo tyrise oya opynanohneme, mokyro Imehxo Exikety oewomaneme;

Porowepio 18:10

Tapyi jamihmã sã Kuesẽkõ mana, moro taka zae ehtoh poko exiketõ ytõko mã toto tõsewomatohkõme.

Izaja 33:16

Moro sã ahtao towomasẽme exĩko mana, tapyi jamihme exikety tao sã exĩko mana, topu risẽ tao; tonahsẽ nae exikehpyra mana, tuna roropa enahpỹme aukurume exĩko.

Ezekieu 9:6

Tamuhpomãkõ etapatoko te, nuasemãkomo te, oryximãkomo te, poetohti tomo te, nohpo tõ maro. Yrome mokaro, imerohpyry iperykõ poko onyryhmara ehtoko. Etapapitotoko taroino Ytapyĩ poe. Naeroro tamuximãkomo totapapitose eya xine moroto Ritonõpo Tapyĩ ẽpataka.

Teuteronomiu 33:27

Ritonõpo, Jũme Exikehpyra Exikety, Kuewomanekomo, kuewomatorỹko mana tomary tõ ke. Kuepetõkara aropõko mana kynenerykõme, toto enahkapõko mana kyya xine.