Saumu 70:4 - Ritonõpo Omiry: A Bíblia Sagrada na língua Aparai do Brasil

⁴ Ah tãkye nexĩ toto: “Ritonõpo Imehxo Kuesẽkõme mana,” kananomo! Tãkye exĩko mã toto typynanohse toexirykõke, ah ynara nykã toto: “Kure kuhse Mase, Ritonõpo, Imehxo Exikety.”

Saumu 70:4 ပူးပေါင်းရင်းမြစ်များ

Saumu 35:27

Yrome atãkyemãko kohtãko roropa mokaro mana zae jehtoh ekary etary se exiketomo! Ynara kakehpyra ase eya xine: “Imehxo kuhse Ritonõpo mana! Jamaro mana kure rokẽ emero toehse ahtao ipoetory maro.”

Saumu 40:16

Ah tãkye nexĩ toto emero oehketõ oya, ah noseahmã toto. “Ritonõpo rokẽ mã imehxo Kuesẽkomo,” nykã toto mokaro tãkye exiketõ typynanopyrykõ poko.

Saumu 5:11

Yrome amaro tõsewomary se exiketõ tãkye exĩko mã toto, tãtãkyemarykõme eremiãko mã toto, toto ewomãko oexiryke. Opyno exiketõ tãkye exĩko mã toto opokoino.

Saumu 97:12

Tãkye ehtoko Ritonõpo poko, amarokõ emero aomiry omipona exiketomo! “Kure mase,” kahtoko Ritonõpo kurano a, eahmatohme inyrihpyry poko.

Izaja 61:10

Atãkyemãko Jerusarẽ põkõ mana, eremiãko mã toto Ritonõpo nyrihpyry poko. Niotakety sã pytakety sã roropa upo kurã ke tõtupohtose toto typynanopyrykõke, orẽpyra toehtohkõke roropa.

Ramẽtasão 3:25

Kure Ritonõpo mana Tosẽkõme enetupuhnanomo a emero.

João 16:20

Etatoko pahne, yhnamõko matose, yrome jenetupuhpynõ tãkye exĩko toh mana. Emynyhmãko matose aporo. Yrome imeĩpo tãkye exĩko ropa matose jenery ropa ahtao oya xine.