Saumu 70:2 - Ritonõpo Omiry: A Bíblia Sagrada na língua Aparai do Brasil

² Jetapary se exiketõ poremãkapory se ase oya. Tuaro pyra tyripoko toto. Tãkye exiketõ jetuarimary poko iramapoko ropa, aehxirotohkõme.

Saumu 70:2 ပူးပေါင်းရင်းမြစ်များ

Saumu 109:29

Ah jepetõkara typoremãkasẽme nexĩ toto, aehxirotohkõme, upo amururu sã imehnõ emero neneryme, ah nehxirõ toto.

Saumu 141:1

Ritonõpo, okohmãko ase; axĩ ke osehko jakorehmase! Jotururu etako okohmaryhtao jakorehmary ekaroporyhtao.

Saumu 22:12

Pui orutua kõ zomyehmary sã jomyehmãko jepetõkara mana, Pasã nonory poe pui aehtyã samo.

Saumu 22:20

Kuewomako jetapara toto ehtohme, isene jehtohme, kaikuxi tomo a jesekaryino.

Saumu 35:26

Mokaro, atãkyemaketõ jetuarimary poko, iporemãkapory se ase oya, toto ehxirotohme ipunaka! Mokaro ehxirory se ase, ymotye kure tõsekarose ynaroro exiryke.

Saumu 35:4

Ah mokaro jetapary se exiketõ typoremãkase nexĩ toto! Ah toehxirose nexĩ toto! Ah nepã toto otupĩko rokẽ rahkene, yyryhmary se aexityamo!

Saumu 40:14

Jetapary se exiketõ iporemãkapoko, tuaro pyra tyripoko toto. Tãkye exiketõ jetuarimary poko iramapoko ropa toto epatohme ropa aehxirotohkõme.

Saumu 6:10

Jepetõkara ehxirõko mã toto; oserehnõko mã toto, epãko axiny tuaro pyra exiketõ sã ipunaka.

Saumu 71:12

Ritonõpo, ameke pyra exiko ywino! Kuakorehmako seromaroro, Jesemy!

Saumu 71:13

Ynara se ase: typoremãkase toto exiry se ase, tonahkase roropa mokaro ymaro osetapary se exiketomo! Ah mokaro yyryhmary se exiketõ aehxirohpyryme nexĩ toto; ah ihxitapãtyãme nexĩ toto!

Izaja 28:13

Morara exiryke ãmorepatorỹko Ritonõpo mana: a, e, i, pa, pe, pi tõkehko poetome awahtao xine samo. Mame oytorykõ kuhnõko matose yrome osetapãko matose, tyyryhmasẽme exĩko, epukãko matose apoitoh taka, ãpuruhpyry taka omõnõko matose.

Izaja 41:11

“Mokaro ozehnotokõ emero typoremãkasẽme exĩko, epyrypakehnõko mã toto; mame osetapaketõ amaro xine emero tonahkasẽme exĩko, orihnõko mã toto.

João 18:6

Morarame: “Ywy ase,” kary etaryke tyya xine mya roropa toeramase toto. Nono pona toepukase roropa toto.