Saumu 7:9 - Ritonõpo Omiry: A Bíblia Sagrada na língua Aparai do Brasil

⁹ Ajohpãme sã popyra exiketõ nyrihpyry xihpyry enahkapoko, kurã ke zae ehtoh poko exiketõ epehmako. Zae Ritonõpome oexiryke ipunaka, yna osenetupuhtoh apiakãko mase, yna penetatoh roropa.

Saumu 7:9 ပူးပေါင်းရင်းမြစ်များ

Jenexi 20:5

Mokyro ro, Aparão morara tykase: “Woryxiry mose ro, Sara,” tykase ynororo. Morara tykase roropa nohpo. Zae rokẽ se exiase. Imepỹ pyty apoiry se pyra akene ipunaka, tykase.

1 Tuisa 8:32

etako, Ritonõpo, kapu poe. Zae opoetory tõ apiakako. Zae pyra toto ahtao, zae pyra exikety zuãnohko. Yrome zae exikety ekaroko iirypyryme pyra, kurã ke rokẽ epehmapoko.

1 Koronika 28:9

Mame tumũkuru Saromão a ynara tykase ynororo: — Aimo, oya ynara ãko ase, Ritonõpo omy esẽ enetupuhko, aomiry omipona exiko, ynoro rokẽ pyno exiko, ỹme exiko aomihpyry omipona. Kuosenetupuhtohkõ waro mã ynororo te, kypenetatohkõ roropa. Eya oytoryhtao opynanohnõko mana; yrome irumekaryhtao oya, orumekãko roropa mana jũme.

Saumu 10:15

Ritonõpo, popyra exiketõ jamitunuru enahkapoko, zae pyra exiketomo. Toto zuãnohko inyrityãkõ popỹ epehpyryme, zae pyra toehtohkõ poko pyra ropa toto ehtohme.

Saumu 10:18

Iiryhmatyã kohtary etãko mase, tumyke pyra exiketõ roropa; zae apiakãko mase toto akorehmaryme, toto onyryhmara ropa ahno tõ ehtohme.

Saumu 11:5

Tõmiry omipona exiketõ enẽko mana, popyra ehtoh poko exiketõ roropa; imehnõ osanumananõ se pyra Ritonõpo mana ipunaka.

Saumu 139:1

Ritonõpo Jesemy, jenẽko mase ukurohtao, juaro roropa mase ipunaka.

Saumu 17:3

Josenetupuhtoh waro mase, jenẽko mase ukurohtao, koko ahtao, tukuhse jahtao oya yyrypyry poko ypenetatoh onenepyra mase. Azamaro pyra exikety poko oturupyra ase oya,

Saumu 18:21

Ise Ritonõpo ehtoh tyrise ya, ynara onyripyra exiase: Kuesẽkõ onurumekara exiase.

Saumu 26:2

Kueneko ukurohtao, ikuhko roropa, Ritonõpo; ypenetatoh apiakako josenetupuhtoh roropa.

Saumu 35:23

Apakako, Ritonõpo, jewomatohme! Owõko, Jesemy, zuruko toto zae ynyriry poko!

Saumu 37:23

Zae kuesemarykõ ae kuarotorỹko Kuesẽkõ mana, tyamaro exiketõ ewomãko mana.

Saumu 40:2

Janymyase oramã xihpyry ae, ikurepato tahxikurẽ poe, purapuramã orihmatõ poe. Topu jamihmã pona jaroase, jewomatohme.

Saumu 43:1

Ritonõpo, zae jehtoh ekaroko, kuewomako õmihpyry omipona pyra exiketõ winoino. Kypynanohko ajohpe exiketõ winoino, enekunohnanõ winoino.

Saumu 44:21

moro poko yna ahtao zuaro oexiry, emero ahno osenetupuhtoh waro oexiryke, tokare pyra ahtao ro zuaro mase.

Saumu 58:6

Ritonõpo, popyra exiketõ zery itahkako! Ritonõpo yna Esemy, mokaro zery touko, reão tõ mokaro, imehnõ esekananomo!

Saumu 9:9

Tapyi jamihmã sã Kuesẽkõ mana tyyryhmase exiketõ osewomatohme; aetuarimarykohtao toto ewomãko mana.

Saumu 96:10

Imehnõ nonory põkõ emero zurutoko Ritonõpo tuisame ehtoh poko! Sero nono esaka tyrise, esyryhmasaromepyra mana; zae rokẽ sero nono põkõ apiakãko mana.

Saumu 96:13

aepyry ropa ahtao emero Esẽme ehtohme. Zae rokẽ sero nono põkõ rohmanohpõko mana.

Saumu 98:9

Ynara exiryke, oehnõko mana tõmiry omipona sero nono põkõ ritohme! Ahno tõ emero esẽme exĩko mana sero nono po, zae ehtoh ke toto rohmanohpõko mana, zae rokẽ ehtohme sero nono po.

Jeremia 11:20

Mame ynara tõturuse ywy Ritonõpo a: — Ritonõpo Jamihmehxo Exikety, zae yna apiakaneme mase. Yna osenetupuhtoh enẽko mase yna penetatoh roropa. Zae ehtoh tyriko, mokaro zuãnohko, tõsekarose jexiryke oya.

Jeremia 17:10

Ywy, Ritonõpo, okurohtao xine enẽko ase, õsenetupuhtohkõ kuhnõko ase. Ahno emero epehmãko ase inyrityã emetakame, zae toto epehmãko ase inyrityã epehpyryme.”

Jeremia 20:12

Yrome, Ritonõpo Jamihmehxo Exikety, zae rokẽ yna kuhnõko mase. Yna osenetupuhtoh enẽko mase, yna kurohtao roropa. Ajohpãme sã jepetõkara wãnopyry enery se ase, osekaroase oya jexiryke.

Tanieu 11:45

Mame osesarĩko mana irãnao tuna Metiteraneu maro ypy kurã Ritonõpo esary maro. Yrome orihnõko mana, takorehmaneke pyra exĩko mana ipynanohtohme.

Atos 12:23

Morarame mokaro omiry etaryke tyya Erote zehno toehse Ritonõpo. “Arypyra ase Ritonõpo rokẽ imehxo mana,” kara exiryke. Naeroro Erote totapase rahkẽ Ritonõpo nenyokyhpyry a. Moromoro a tuhmokapose. Toorihse.

Romanos 16:25

“Kure mase Ritonõpo. Emero motye tuisamehxo mase,” sykatone. Ynororo rokẽ orẽpyra kyrirykõ waro mana, Jezu enetuputyry poko poremãpyra kuehtohkõme. Omi kurã poko imeimehnõ amorepase ytoytoase Jezu Kyrixtu poko. Pake Ritonõpo tõsenetupuhtopõpyry onekaropyra kynexine sero põkomo a.

1 Tesaronika 3:13

Morara ãko ynanase Ritonõpo a, ajamihtanohtohkõme, aomipona oehtohkõme, tyyrypyhpyke pyra roropa oehtohkõme. “Iirypyryme ro mose nase,” kara opoko xine imehnõ ehtohme Kumykõ ẽpataka toehse kuahtao xine, Kuesẽkõ Jezu oepyry ropa ahtao typoetory tõ maro.

1 Peturu 5:10

Axĩtao rokẽ aporo etuarimãko matose. Yrome imehnõ motye kypyno xine Ritonõpo mana. Tymenekase matose eya tysã oehtohkõme kure rokene, Tumũkuru Kyrixtu maro. Kokoro rokẽ oorypyrykõ korokãko ynororo, tyrisenã sã oehtohkõme. Ãkorehmatorỹko mana penekehpyra oehtohkõme Jezu Kyrixtu enetuputyry poko oya xine. Orẽpyra oritorỹko mana. Morarame emero motye kure toexiry eneporyhtao tysã oritorỹko roropa mana. Jũme kure ynororo.

Juta 1:1

Ynymerohpyry moro onenerykõme. Ywy ase Juta, Jezu Kyrixtu poetory. Tiaku akorõ roropa ase. Tymenekase matose Ritonõpo a typoenõme oehtohkõme. Kumykõme nymyry mana. Opyno xine mana ipunaka. Jezu Kyrixtu roropa oewomatorỹko mana popyra oripopyra xine imehnõ ehtohme.

Apokaripxi 2:23

Ipoenõ etapãko roropa ase, ypoetory tõ emero zuaro ehtohme, imehnõ osenetupuhtoh waro jehtoh waro toto ehtohme, imehnõ penetatoh waro jehtoh waro roropa toto ehtohme. Oepehmatorỹko ase emero porehme onyrihpyrykõ epehpyryme.

1 Samueu 16:7

Yrome ynara tykase Ritonõpo eya: — Arypyra, ynoro kara mose ro. Kure mose enẽko mase, mosa roropa repe. Yrome ynymenekahpyry kara mose ro. Asã pyra ase imenekãko. Mãpyra matose kure onenerykõ rokẽ menekãko matose. Yrome ywy aosenetupuhtohkõ enẽko ase ikurohtao xine, tykase Ritonõpo eya.

1 Samueu 2:9

Tõmipona exiketõ ewomãko mana. Yrome iirypyryme exiketõ osenahkãko mã toto. Kuamoreme xine osepynanohsaromepyra sytatose.