Saumu 7:4 - Ritonõpo Omiry: A Bíblia Sagrada na língua Aparai do Brasil

⁴ jepeme exikety towokase ahtao ya te, imepỹ jepekara popyra tyrise ya ahtao

Saumu 7:4 ပူးပေါင်းရင်းမြစ်များ

Jenexi 44:4

Mame mya ytopyra ro toto ahtao, ynara tykase Joze tytapyĩ erase a: — Ytoko axiny mokaro orutua kõ ekahmata. Tõseporyse ropa toto ahtao oya ynara kaxiko eya xine: “Oty katoh kure ehtoh epehmãko matou popỹ ke?

Jenexi 44:9

Oesẽ kyryry eneryhtao oya yna maro, ah norihno mokyro enepyhpono. Yna emero opoetoryme exĩko ynanase.

2 Samueu 16:8

Oepehmãko Ritonõpo mana Sauu ekyrỹpyry etapatopõpyryke oya, tuisame oehtohme imyakãme. Naeroro seromaroro omyakamãko Ritonõpo mana omũkuru ke, tyyryhmase omoro, otapatono!

Jo 31:22

ah japory tõ tytahkase nexino, ah japory tõ touse nexĩ kehko ymotary tõ poe.

Jo 31:7

“Zae ehtoh poko turumekase ahtao ya, iirypyryme jehtoh poko typenetase jahtao imepỹ kyryry tapoise ahtao ya,

Saumu 109:5

Ynyriry kurã epehmãko mã toto popyra ehtoh ke, ipyno xine jehtoh emetakamãko mã toto yse pyra toehtohkõke.

Saumu 55:20

Jepẽpo tõsetapase tope tõ maro, toto poremãkapotohme; tõmihpyry tamonohse eya.

Porowepio 17:3

Uuru kehko, parata roropa tukurãkase mana apoto ke, yrome ahno kuhnõko Ritonõpo mana kukurohtao xine zae kuehtohkõ waro toehtohme.

Atos 16:28

Yrome opore tõmitase Pauru: — Otuopyra exiko. Taro ynanase emero, tykase Pauru eya.

1 Samueu 20:1

Morarame Tawi toepase urutõ kõ tapyĩ tae, Rama põ poe, Jonata esaka toytose ynororo oturupose. Ynara tykase: — Oty yriahse? Zae rokẽ exiase repe, yrome omy jetapary se nase, tykase Tawi.

1 Samueu 22:14

Aimereke a tozuhse, ynara tykase ynororo: — Opoetory Tawi imehnõ motye õmipona mana. Apaniryme roropa mana. Ãkorehmaneme mana, oewomananõ tuisaryme. Zae exiketyme aexiry waro emero atapyĩ taõkõ mana.

1 Samueu 24:7

Morara karyke Sauu towomase Tawi a. Onetapapopyra toehse ynororo typoetory tomo a. Mame toesyryhmase ropa Sauu. Orame ae tutũtase ropa ynororo toytotohme osema ae.

1 Samueu 26:21

Mame ynara tykase Sauu: — Iirypyryme ase, azahkuru exino ipunaka. Osehko ropa Tawi umũkuru! Typynanohse oya jexiryke seroae, oryhmary onukuhpyra ropa ase. Ajoajohpe exiketyme toehse ase, rowohpe exikety samo, tykase Sauu.

1 Samueu 26:24

Opynanopyase seroae isene oehtohme. Moro saaro ypynanopyry se ase Ritonõpo a isene jehtohme yporemãkapopyra imehnõ ehtohme, tykase Tawi.