Saumu 69:8 - Ritonõpo Omiry: A Bíblia Sagrada na língua Aparai do Brasil

⁸ Imepỹ nonory põ sã toehse ywy jakorõ tomo a, katonõme sã ase ytapyĩ taõkomo a.

Saumu 69:8 ပူးပေါင်းရင်းမြစ်များ

Saumu 31:11

Ypoihtõko jepetõkara mana, ykerekeremãko ypãnary tomo. Juaro exiketõ juno mã toto, epãko mã toto jeneryhtao osema tao.

Saumu 38:11

Muretano hpe jexiryke jepe tõ oehpyra mã toto upũtokoxi; wekyry tõ roropa ameke rokẽ exĩko mã toto ywinoino.

Saumu 89:51

Ritonõpo, tuisame onymenekahpyry kerekeremãko oepetõkara! Emero rokẽ pona aytoryhtao eunohnõko mã toto.

Saumu 89:52

Ritonõpo Kuesẽkõ seahmatone kokoro rokene, jũme, enara rokene.

Izaja 50:6

Ỹpary ekaroase jypipohnanomo a, jẽmyty ekaroase otypo mukanomo a. Otonẽpyra exiase typoihtose jahtao eya xine, ituh tykase toto ahtao, jẽmyty pona.

Izaja 53:3

‘Ahno kahpyry mokyro, surumekatone,’ tykase toto ipoko. ‘Toetuarimase ynororo, sam kakehpyra nexiase, yrome toanahtose eya toemynyhmaryme.’ Aytory tonese ahtao kyya xine toeramase rokẽ sexiatose enery se pyra kuexirykõke. ‘Ahno kahpyryme rokẽ mokyro,’ sekaroatose. ‘Kure mokyro mana,’ kara sexiatose.

Izaja 53:4

“Yrome ahnome toehse ynororo sam katohme kymyakãkõme, kuetuarimatohkõ toanahtose eya kukurãkatohkõme, sam kara kuehtohkõme. Yrome: ‘Mokyro wãnohnõko Ritonõpo mana iirypyry epehpyryme, morara exiryke etuarimãko mana, tyyryhmase Ritonõpo a exiryke,’ tokarose kyya xine repe.

Jeremia 15:15

Mame ynara tykase ywy: — Ritonõpo, zuaro mase. Wenikehpyra exiko ypoko, kuakorehmako roropa. Yyryhmananõ poe kymỹpoko. Jepetõkara pyno pyra exiko jetaparyino eya xine. Tuaro mase õmiry omipona jexiryke ykerekeremãko mã toto.

Mateu 26:56

Yrome serohne exĩko mana urutõ kõ omihpyry ae ro, tykase Jezu eya xine. Morarame ipoetory tõ toepase toto. Jezu turumekase eya xine.

João 1:11

Tosaka tooehse ynororo repe, yrome jekyry tõ ise pyra.

João 7:5

(Zakorõ tõ roropa onenetupuhpyra kynexine.)

1 Samueu 17:28

Mame takorõ omiry etaryke tyya tyekĩtapãse irui Eriape: — Oty kasehxo koh moehno xiaro? Onoky maro oeky tõ mynomono ona po? tykase. — Awaro ase. Epyrypãko rokẽ mase okurohtao, ajoajohpe rokene. Osetapatoh enese rokẽ moehno, tykase irui Tawi a.