Saumu 69:4 - Ritonõpo Omiry: A Bíblia Sagrada na língua Aparai do Brasil

⁴ Yzehno exiketõ tuhke mã toto, toto onyhtomapopyra jahtao ro, ikuhpỹme toh mana jupuhpyry po jũsety ehtoh motye. Jamihme mã toto jenahkary se exiketomo, ajohpe ehtoh ke jyhxirõko mã toto. Imehnõ mõkomory onematonanohpyra exiase repe, yrome epehmapõko ropa mã toto ya.

Saumu 69:4 ပူးပေါင်းရင်းမြစ်များ

Saumu 35:19

Tãkye jepetõkara onyripopyra exiko yporemãkary poko; ajohpãkõ mokaro. Yzehno mã toto, popyra toto onyripyra jahtao. Tãkye mokaro onyripopyra exiko, aexianarykõino typoremãkapose jahtao oya.

Saumu 40:12

Tomyehmase ywy yyryhmatoh ke tuhke. Ikuhpỹme mã toto. Yyrypyry tõ pokoino otupĩko ywy tonurẽkara samo. Jũsety motye jupuhpyry po yyrypyry tõ toehse tuhke, naeroro typoremãse ywy.

Saumu 59:3

Ritonõpo Jesemy, eneko ke! Jeraximãko mã toto jetapatohme. Orutua komo, imehnõ ryhmary se exiketomo, osenetupuhnõko mã toto japoiry poko. Yrome yyrypyry pokoino pyra, popyra jehtopõpyry pokoino pyra roropa,

Saumu 6:7

Jepetõkara pokoino jenuru tyaose nase xitakehpyra jexiryke. Pitiko osenuhmasaromepyra ase.

João 15:25

Morara toehse Ritonõpo nymeropohpyry ae ro pake Moeze a. Ynara tykase ynororo: “Yzetũ tanỹse eya xine epokapỹme,” tykase ynororo.

2 Korĩtiu 5:21

Tyyrypyhpyke pyra Kyrixtu kynexine. Yrome kypyno xine toexiryke kyyrypyrykõ epona tyrise Ritonõpo a. Iirypyryme sã Kyrixtu tyrise Ritonõpo a kukurãkatohkõme kure rokẽ kuehtohkõme, Kyrixtu maro.

1 Peturu 2:22

Tyyrypyry poko pyra kynexine ipunaka, ajohpe pyra roropa kynexine.

1 Peturu 2:24

Kyrixtu iirypyryme pyra, yrome kyyrypyrykõ tapoise sã eya toexixihmapose ahtao wewe pokona. Toorihse ynororo kyyrypyrykõ enahkapotohme. Toorihse tyjamitunuru ekarotohme kyya xine kyyrypyrykõ poko pyra kuehtohkõme. Toorihse ynororo zae kuehtohkõme Ritonõpo a. Tyyryhmase aexiryke tukurãkase sytatose eya. Naeroro ẽsemãnõko ropa sytatose orihxĩpo.

1 Peturu 3:18

Kyrixtu orihtopõpyry poko osenetupuhtoko. Toorihse ynororo kymyakãkõme. Kynorihne kyyrypyrykõ korokatohme. Toiro rokẽ kynorihne orihzomopyra toehtohme. Kure exikety ynororo. Iirypyrymãkõ kurãkatohme, kynorihne Ritonõpo a kuarotohkõme. Zoko toxixihmase jehnotokomo a. Yrome tõsemãse ropa ynororo Tuzenu poe.