Saumu 69:26 - Ritonõpo Omiry: A Bíblia Sagrada na língua Aparai do Brasil

²⁶ Onuãnohtyã rohmanohpõko mã toto, anapurotyã tuarimary eunohnõko mã toto.

Saumu 69:26 ပူးပေါင်းရင်းမြစ်များ

2 Koronika 28:9

Mame Ritonõpo poe urutono Samaria po kynexine, esety Otete. Toytose ynororo oseporyse Izyraeu tõ soutatu tõ maro aepyry ropa ahtao Juta nonory poe. Ynara tykase Otete eya xine: — Ritonõpo atamurukõ Esẽ tyekĩtapãse Juta tõ poko. Naeroro toto typoremãkapose eya oya xine. Yrome toto zehno toehse oexirykõke totapase toto oya xine. Moro tonese Ritonõpo a.

Jo 30:13

Epasaromepyra ase mokaro poeino, jenahkary kuhnõko mã toto. Takorehmaneke pyra ase ipunaka mokaro poremãkatohme.

Saumu 109:16

Ynara exiryke: kure ehtoh onyripyra nexiase imehnomo a, tymõkomokãkara tyyryhmase eya, totapase roropa toto eya, omise exiketõ roropa, takorehmaneke pyra exiketõ roropa.

Izaja 53:10

Mame ynara tykase Ritonõpo: “Kure ya iiryhmary, sam tykamexipose ynororo ya. Tõsekarose ynororo toorihtohme iirypyrymãkõ rypyry epehpyryme, typakomotyã enẽko mana, jumanatome isene exĩko mana. Ipokoino Ritonõpo osenetupuhtoh zae exĩko mana.

Izaja 53:4

“Yrome ahnome toehse ynororo sam katohme kymyakãkõme, kuetuarimatohkõ toanahtose eya kukurãkatohkõme, sam kara kuehtohkõme. Yrome: ‘Mokyro wãnohnõko Ritonõpo mana iirypyry epehpyryme, morara exiryke etuarimãko mana, tyyryhmase Ritonõpo a exiryke,’ tokarose kyya xine repe.

Zakaria 1:15

Imeimehnõ nonory põkõ poko tohne ase, osewomaketõ poko, torẽtyke pyra exiketõ poko. Ynara exiryke tohne toehse jahtao ypoetory tõ poko, pitiko rokẽ repe itamurumehxo toto tyrohmanohpose eya xine, toto etuarimatohme pitiko rokẽ pyra.

Zakaria 13:7

Ritonõpo Jamihmehxo Exikety ynara tykase: “Tapema, owõko ty, jeky tõ pyno exikety etapatohme, erohkety jakorehmaneme! Jeky tõ pyno exikety etapako, mame kaneru tõ typahsẽme exĩko mã toto, sapararahme. Mame etonãko ase ypoetory tõ maro.

1 Tesaronika 2:15

Mokaro a Jezu Kuesẽkõ toxixihmapose wewe pokona, aorihtohme. Urutõ kõ Ritonõpo poe totapase toto a. Yna taropose roropa eya xine, zehnotokõme toexirykõke. Ritonõpo zamaro pyra toto.