Saumu 69:20 - Ritonõpo Omiry: A Bíblia Sagrada na língua Aparai do Brasil

²⁰ Jyhxirotoh pokoino sam ãko ase ukurohtao, tapotũkehse ywy jakorehmane oehpyra exiryke! Ypyno exikety toraximase ya repe, yrome arypyra, ypyno exikety pyra nexiase; jemuhkehkane oepyry toraximase ya repe, yrome oehpyra tokurehse.

Saumu 69:20 ပူးပေါင်းရင်းမြစ်များ

Jo 16:2

“Morohne panõ emero etase pake. Jemuhkehkara matose, jerekohmãko rokẽ matose.

Saumu 123:4

Ynahtomãko mã mokaro tymõkomoke exiketomo, kokoro rokẽ epyrypaketõ roropa yna poihtõko mã toto.

Saumu 142:4

Jomye josenuhmaryhtao japotunuru wino jakorehmane enetohme, arypyra, takorehmaneke pyra ase, towomaneke pyra. Ypyno exikety pyra ase.

Saumu 42:10

Yzehpyry jetunu, yyryhmatopo yzehnotokomo a. Onekaropokehpyra mã toto: “Otoko hnae Ritonõpo, oesemy?” ãko mã toto ya.

Saumu 42:6

Taro ase imehnõ nonory po emynyhmãko yronymyryme, naeroro osenetupuhnõko ase Ritonõpo poko. Pohkane konõto sã tuna konõto kuao jemynyhmatoh tonehpose eya ypona ukurohtao; otupĩko ywy, sõkane tõ sã panaikato ke yhtõko ypy Heremõ poe, ypy Mizar poe roropa orẽpyra tuna Joatão kuaka, moro sã jemynyhmatoh tonehpose eya ukurohtaka.

Izaja 63:5

Zupiase repe, yrome jakorehmane pyra nexiase, tõsenuruhkase ywy moro eneryke, takorehmaneke pyra jehtoh eneryke ya. Naeroro toiroro yjamitunuru ke rokẽ yzehnotokõ typoremãkase ya, toto zehno jehtoh ke tyjamihtase jexiryke.

Mateu 26:56

Yrome serohne exĩko mana urutõ kõ omihpyry ae ro, tykase Jezu eya xine. Morarame ipoetory tõ toepase toto. Jezu turumekase eya xine.

Maku 14:37

Morarame toytose ropa Jezu typoetory tõ tynyhse ahtao. Mame ynara tykase ynororo Ximão Peturu a: — Ximão, nyhnõko mah? Toiro pixo eraximary se pyra hma ymahro?

Maku 14:50

Mame Jezu turumekase ipoetory tomo a. Toepase toto.

João 12:27

— Seromaroro emynyhmãko ase yronymyryme. Otara ãko hano? “Papa, jorikyry se pyra ase,” kary se ase repe. Yrome moro poko tooehse ywy kapu ae orihse tarona.

João 16:32

Yrome okynã pyra matose epãko oesaka xine. Urumekãko matose oenaroxirykõke. Toiroro exĩko ase. Yrome toiroro nymyry pyra ase. Papa maro ase.

Epereu 11:36

Imehnõ tounohse imehnomo a. Typoihtose toto te. Tũpore exikety ke typitypipohse toto ĩpatarãnaka xine jetuhxo ehtohme. Imehnõ tymyhse roropa zehnotokomo a keti ke, ãpuruhpyry taka tõmase toto.