Saumu 69:17 - Ritonõpo Omiry: A Bíblia Sagrada na língua Aparai do Brasil

¹⁷ Otonẽpyra exiko ywinoino; kuezuhko seromaroro, popyra ehtoh konõto toehse exiryke ya!

Saumu 69:17 ပူးပေါင်းရင်းမြစ်များ

Jo 7:21

Oty katohme yyrypyry onykorokara mah, popyra jehtopõpyry onukurikara mah? Okynã pyra tonẽsẽme exĩko ase nono aka; jupiryhtao jenepyra exĩko mase, arypyra jexiryke.”

Saumu 102:2

Otonẽpyra exiko ywinoino, popyra ehtoh toehse ahtao ya. Jomiry etako okohmaryhtao ya, kuezuhko axiny.

Saumu 13:1

Ritonõpo Jesemy, jũme ypoko tuenikehse mahno? Otara ahtao otonẽkehnõko mah, oẽmyty enetohme ropa ya?

Saumu 143:7

Axĩ ke kuezuhko, Ritonõpo Jesemy tapotũkehse jexiryke oeraximary poko. Ywino otonẽpyra exiko, jorikyryino imehnõ orihketõ maro.

Saumu 143:9

Ritonõpo, kypynanohko yzehnotokõ wino, oya ytõko ase jewomatohme.

Saumu 22:24

Tymõkomokãkara onurumekara mana, wenikehpyra roropa mana toto etuarimatopõpyry poko. Otonẽpyra ynororo toto wino, yrome ezuhnõko mana tykohmase ahtao eya xine.”

Saumu 27:9

Otonẽpyra exiko ywinoino. Yzehno pyra exiko; owinoino jaropopyra exiko. Jakorehmahpono, jurumekara exiko, toiroro ynomopyra exiko, Ritonõpo Ypynanohne.

Saumu 40:13

Ritonõpo Jesemy, kypynanohko! Kuakorehmako seromaroro!

Saumu 44:24

Oty katoh yna poe otonẽnõko mahno yna zunoto samo? Oty katoh yna rumekãko mah yna etuarimary htaho?

Saumu 66:14

Moro ekarõko ase, tykase ywy oya popyra ehtoh toehse ahtao ya.

Saumu 70:1

Ritonõpo, axĩ ke kypynanohko! Jesẽme mase; axĩ kuakorehmako, seromaroro!

Ramẽtasão 3:22

Kypyno xine Ritonõpo ehtoh enahpỹme mana. Kure aexiry jũme enahpỹme roropa mana.

Mateu 26:38

Ynara tykase ynororo typoetory tomo a: — Emuhtapãnõko ase yronymyryme. Morara exiryke taro rokẽ ehtoko aporo, eneneme ymaro, tykase Jezu eya xine.

Mateu 27:46

Morarame 3 orame ahtao kui tykase Jezu opore. Ynara tykase ynororo: — Eri, Eri, rema sapahtani, tykase. Morara kary: “Ritonõpo Kapuaono, oty katoh kurumekano?” kary Tumy a.