Saumu 69:11 - Ritonõpo Omiry: A Bíblia Sagrada na língua Aparai do Brasil

¹¹ Upo topuxiximã amururuhtao ya aorihtyã hnamonanõ samo, moro eneryke tyya xine jeunohnõko mã toto, ypoihtõko roropa mã toto.

Saumu 69:11 ပူးပေါင်းရင်းမြစ်များ

1 Tuisa 9:7

ypoetory tõ Izyraeu tõ syryhmapõko ropa ase toto esary poe, eya xine ynekarohpyry poe. Sero Tapyi rumekãko ropa ase, osa kurã ynymenekahpyry jũme jeahmatohme. Mame Izyraeu tõ eunohnõko imehnõ mana, imeimehnõ pata tõ po.

Jo 17:6

Moro omihpyry ekarõko mã ahno tomo ya, mame ituh ãko mã toto jẽmyty pona.

Saumu 109:24

Otuhpyra jehtopõpyryke tuhke, jesekumuru tõ tykytyky ãko nase kehko, joko ypihpyry rokẽ toehse mana zehpo maro.

Izaja 20:2

Apitoryme 3me jeimamyry morara exipyra ahtao ro Izaja turuse Ritonõpo a: — Izaja, Amoxi mũkuru, asãtajã tõ touko, oupony roropa, kamisa topuxiximã risemy. Aomi poe morara tyrise eya, toytose ynororo tupoke pyra, tysãtajake pyra, enara.

Izaja 22:12

Oesẽkomo, Ritonõpo Jamihmehxo Exikety okohmatorỹko nexiase oxitatohkõme, ihnamotohme, oũsetykõ sahkatohme, upo amurutohme kamisa risẽ topuxiximano, tãkye pyra oehtohkõ enetupuhpotohme.

Jeremia 24:9

Popyra ehtoh konõto enehpõko ase toto pona. Moro eneryke imehnõ nonory põkomo a osenuruhkãko mã toto emero porehme. Mokaro kerekeremãko mã toto, toto poihtõko mã toto, eunohnõko roropa mã toto. Mame emero nono po toto aropotopõpyry po ya, toto esehtõko imehnõ mana popyra ehtoh enehpotohme topetõkara pona.

Joeu 1:13

Oturuketomo, apoto apõ poko erohketõme matose, upo amurutoko kamisa topuxiximã risemy, oxitatohkõme. Ritonõpo poetory tomo, omõtoko Itapyĩ taka, oxitarykõ poko oẽmehtoko, Ritonõpo Tapyĩ tao ahno nekarotyã pyra toehse exiryke tiriiku tõkehko pyra, eukuru pyra roropa.

Joeu 1:8

Oxitatoko oryximã samo, ihnamone exikety samo, tynio orihtopõpyry hnamone samo.

Teuteronomiu 28:37

Morotona tarose awahtao xine, moro nono põkõ oserehnõko mã toto zuaro toehse toto ahtao Ritonõpo nyrihpyry poko oya xine. Okerekerematorỹko mã toto oeunohtorỹko roropa mã toto.