Saumu 67:7 - Ritonõpo Omiry: A Bíblia Sagrada na língua Aparai do Brasil

⁷ Eya kure rokẽ tyrise sytatose; ahno tõ emero, sero nono põkomo Ritonõpo waro toto ehtohme aomipona ehtohme roropa!

Saumu 67:7 ပူးပေါင်းရင်းမြစ်များ

Saumu 22:27

Imeimehnõ nonory põkõ emero osenetupuhnõko mã toto Ritonõpo poko. Sero nono etyhpyry po eramãko mã toto eya, Tosẽkõme aenetupuhnõko mã toto, eahmãko mã toto, emero.

Saumu 29:11

Typoetory tomo a tyjamitunuru ekarõko Ritonõpo mana, kure rokẽ toto rĩko roropa mana; eya xine kurãkõ emero ekarõko roropa mana.

Saumu 33:8

Ah sero nono põkõ emero Ritonõpo Kuesẽkõ omiry omipona nexĩ toto! Imehxo aexiry enetupuhtoko, ahno emero, sero nono po.

Saumu 65:5

Ritonõpo, yna ezuhnõko mase orẽpyra yna riryke oya, ajamitunuru enepõko mase yna a yna pynanohtohme oya. Sero nono etyhpyry põkomo te, tuna konõto moino exiketõ roropa tosẽkõme oenetupuhnõko mã toto.

Saumu 72:17

Ah tuisa esety poko jũme wenikehpyra ahno nexĩ toto; imehxo aehtoh waro imehnõ ehtohme xixi nae ro ahtao! Ah imeimehnõ ahno tõ emero kure toehtohkõ nekaropõ toto Ritonõpo a, kure mokyro tuisa ritopõpyry saaro eya.

Saumu 98:3

Izyraeu tõ pyno toexiryke, anamonohpyra toexiryke roropa, typynanohse toto eya tõmihpyry ae ro. Imehnõ nonory moe exiketõ po orẽpyra Ritonõpo Kuesẽkõ ehtoh tonese ahno a emero.

Izaja 30:23

Mame otyro puhturu arykaryhtao oya xine otupikõ po konopo enehpõko Ritonõpo mana, kure anapyrykõ apoitohme oya xine. Itamurume onahpoty nae exĩko pui tõ napyryme.

Izaja 43:6

Inikahpoẽkomo a ynara tyripõko ase: ‘Ah mokaro nytõ toto,’ Ikurenaẽkomo a roropa: ‘Mokaro anapoipyra ehtoko.’ Moino nono moe exiketõ poe ah umũkuru tõ noehno ropa toto, jẽxiry tõ roropa tosaka xine!

Izaja 45:22

“Ahno tomo, sero nono põkõ emero, eramatoko ropa ya seromaroro typynanohsẽme oehtohkõme, ywy ro rokẽ Ritonõpome ase, imepỹ pyra mana.

Izaja 52:10

Imeimehnõ nonory põkõ neneryme porehme tyjamitunuru kurã enepõko Ritonõpo mana. Typoetory tõ pynanohnõko Kuesẽkõ mana, moro enẽko sero nono põkõ porehme.

Rewitiku 26:4

konopo enehpõko ase konopo oehtoh po toehse ahtao. Anarykarykõ kure ahtãko mana, itamurume tykyrysã exĩko mana, wewe tõ roropa eperytãko mã kehko.

Mikeja 5:4

Mokyro tuisa oehnõko mana typoetory tõ pynanohtohme, kaneru pynanohne samo, Ritonõpo jamitunuru ke. Imehxo exĩko mana Ritonõpo Izyraeu tõ Esẽ omi poe. Ipoetory tõ towomasẽme exĩko mana, tuisa jamihme exiryke mya nono etyhpyry pona.

Zakaria 8:12

Ipuhturu kure ahtãko mã kehko, uwa zoko eperytãko, otyro zamaro nono exĩko, konopo oehnõko roropa mana. Morohne emero ekarõko ase ypoetory tõ akoĩpyry a.

Zakaria 9:10

Kahu tõ etonaketõ kyryry enahkapõko mana Izyraeu nonory po, soutatu tõ kawaru tõ po ytoketõ roropa Jerusarẽ po. Taky tõ, pyrou tõ roropa tonahkasẽme exĩko mã kehko. Etonara ahno tõ tyripõko mana. Tuisame exĩko mana tuna konõto poe imepỹ tuna konõto pona, tuna Eupyrati poe roropa nono etyhpyry tõ pona.

Marakia 1:11

Imeimehnõ nonory po emero, jeahmãko mã toto. Emero rokẽ po ixtaratu zahkãko imehxo jehtoh ekaroryme, tokykõ kurã ekarõko mã toto tynekarorykõme ya. Emero Tuisamehxo jekarõko mã toto.

Marakia 4:2

Yrome oya xine, jomiry omipona exiketomo, opynanopyrykõ ya saereme sã exĩko mana, xixi saerehkatoh samo, isene ehtoh enehnõko. Pyhsekyhsekyh ãko matose tãkye oehtohkõke, pui poenõ samo tutũtarykohtao jarakapyhpyry ae.

Atos 13:26

— Wekyry tomo, Aparão pakomo, oya xine mã Ritonõpo a tõmiry tonehpose, opynanopyrykõ se toexiry poko. Oya xine rokẽ pyra imehnomo a roropa tõmipona exiketomo a tõmiry tonehpose.

Atos 13:47

— Ritonõpo yna enehpoase tarona moxiaro amorepase. Ynara nase ynororo yna a: “Oekarõko ase juteutõkara ezurume oehtohme, imeimehnõ pynanohneme oehtohme sero nono etyhpyry ponãmero, ypoetoryme toto ehtohme,” nase Ritonõpo yna a, tykase Pauru eya xine.

Atos 2:28

Jẽsemãkapõko ropa mase, orihpỹme jehtohme. Tãkye rokẽ jyripõko mase oẽmyty eneryke ya,” me tymerose Tawi a.

Karaxia 3:14

“Jenetuputyryke oya emero pata põkõ rĩko ase kure,” katopõpyry ae ro Aparão a, toxixihmapose Kyrixtu. Mame Kyrixtu toorihse exiryke, oya xine roropa juteutõkara a Tuzenu ekarõko mana, Jezu enetuputyryke oya xine.

Karaxia 3:9

Morara kary etaryke tyya, zae Ritonõpo ehtoh tonetupuhse Aparão a. Morara exiryke kure tyrise ynororo Ritonõpo a. Morararo emero Ritonõpo enetupuhnanõ mana. Kure toto rĩko roropa mã Ritonõpo Aparão kure ritopõpyry saaro.

Apokaripxi 15:4

Onoky ouno pyra exikety nae nah? Arypyra, ouno emero mã toto, yna esẽme oexiryke. Imehxo oehtoh poko ekãtõko mã toto emero porehme. Omoro rokẽ kurãme nymyry mase. Pata tamuru põkõ emero oehnõko mã toto, ‘Kure mase,’ katohme oya. Kure rokẽ orĩko mã toto. Tosekumuru po porohnõko mã toto oẽpataka, kure oexiry eneryke tyya xine, emero pata põkõ punero,” tykase toto toremiarykõme.