Saumu 66:8 - Ritonõpo Omiry: A Bíblia Sagrada na língua Aparai do Brasil

⁸ Ah emero ahno tõ Ritonõpo Kuesẽkõ eahmã toto! Oeremiatoko opore eahmatohme.

Saumu 66:8 ပူးပေါင်းရင်းမြစ်များ

Saumu 47:1

Tahtah kaxitoko atãkyemaryme, ahno tõ emero! Opore eremiatoko Ritonõpo eahmaryme!

Saumu 66:2

Oeremiatoko eya, eahmaryme: “Kure mase, Ritonõpo Imehxo,” kahtoko eya.

Saumu 98:4

Oeremiatoko tãkye Ritonõpo eahmaryme, sero nono põkõ porehme! Kuesẽkõ eahmatoko eremiatoh ke, kui katoh ke roropa tãkye oehtohkõke.

Jeremia 33:11

kui katoh tonõ tãkye exiketõ omiry, atãkyemaketõ panaikato roropa otuhtoh riry poko, pytary poko roropa. Ahno eremiaketõ etãko roropa matose, tynekarorykõ enehnõko Ytapyĩ taka, “Kure mase,” katohme ya. Ynara ãko mã toto eremiãko: “ ‘Kure mase,’ kahtoko Ritonõpo Jamihmehxo Exikety a, kure aexiryke, kypyno xine exikehpyra mana, jũme.” Sero nono po tymõkomoke toto ripõko ase, osemazuhme toto ehtopõpyry samo. Ywy Ritonõpo oturuno.

Teuteronomiu 32:43

Atãkyematoko imeimehnõ nono põkomo, Ritonõpo poetory tõ maro! Imỹpõko Ritonõpo mana, typoetory tõ etapahpõkõ wãnohnõko mana. Imỹpõko mana, topetõkara wãnohnõko mana. Yrome typoetory tõ rypyry korokãko mana.

Apokaripxi 19:1

Moromeĩpo tuhkãkõ omiry panõ etase ropa, opore exikety kapu ao. Ynara nase: — Kure Ritonõpo mana, kypynanohnekõme mana, tuisame kuhse mana, orẽpyra roropa mana.