Saumu 66:2 - Ritonõpo Omiry: A Bíblia Sagrada na língua Aparai do Brasil

² Oeremiatoko eya, eahmaryme: “Kure mase, Ritonõpo Imehxo,” kahtoko eya.

Saumu 66:2 ပူးပေါင်းရင်းမြစ်များ

Neemia 9:5

Mame ahno tykohmase rewita tomo a Ritonõpo eahmatohme. Ynara toh nexiase rewita tomo: Jesua te, Katamieu te, Pani te, Hasapaneia te, Serepia te, Hotia te, Sepania te, Petaia, enara. Ynara tykase toto: “Owõtoko! Ritonõpo Oesẽkõ eahmatoko! ‘Kure mase, Ritonõpo,’ kakehpyra ehtoko jũme. Ah emero sero nono põkõ, ‘Kure mase,’ nykã toto eya, Imehxo aexiryke, eahmary kyya xine ipune pyra ahtao ro.”

Saumu 106:2

Inyrityã kurã tyjamitunuru ke ikuhpỹme nase. Jũme eahmaryhtao kyya xine kure aexiry onymotyẽkara sytatose.

Saumu 107:15

Ah “Kure mase,” nykã toto Ritonõpo a kypyno xine exikehpyra exiryke, typynanohse roropa toexirykõke eya!

Saumu 107:22

Ah tynekarorykõ enehno toto, “Kure mase,” katohme, eremiatoh maro tãtãkyemarykõme Ritonõpo nyrityã emero ekaroryme!

Saumu 68:33

“Kure mase,” kahtoko Mokyro a, kapu ae kawaru po ytokety a, moino ro kapu ao mana, pakato ro mokyro. Aomiry etatoko, konomeru konõto sã mana.

Saumu 72:18

Ritonõpo eahmatoko, Izyraeu tõ Esemy! Ynoro rokẽ morohne emero Rihpõme aexiryke.

Saumu 79:9

Yna akorehmako, Ritonõpo, yna Pynanohneme mase; yna ipynanohko, yna rypyry ikorokako yna Esẽme imehxo oexiryke.

Izaja 42:12

Ah Ritonõpo toahmase nexino, ah mokaro moe nono põkõ saeremehxo Ritonõpo ehtoh poko nekarõ toto!

Izaja 49:13

Kapu tomo, oeremiatoko! Nono tomo, atãkyematoko! Ypy tomo, okohtatoko tãkye oehtohkõke! Typoetory tõ emuhkehkapõko Ritonõpo mana; typoetory tõ etuarimaketõ pynanohnõko mana.

Izaja 6:3

Oturũko toh nexiase opore oseya, ynara ãko: “Kurano, kurano, kurano! Ritonõpo Jamihmehxo Exikety kure mana; Saeremehxo aexiry sero nono pehkãko mana!”

Apokaripxi 5:13

Morarame kapuaõkõ omiry etase emero porehme, nono põkõ omiry maro, aorihtyã ekepyry omiry maro, tuna konõto kuaõkõ omiry maro. Emero Ritonõpo nyrityã omiry etase. Eremiãko toh nexiase. Ynara nase toto tapõ po iporotyhpyry a, kaneru mũkuru a roropa: “Kure mase, tuisamehxo. Ritonõpo imehxo mase, orẽpyrahxo mase. Jũme orihpỹme mase,” nase toto.