Saumu 41:9 - Ritonõpo Omiry: A Bíblia Sagrada na língua Aparai do Brasil

⁹ Jepe kurã roropa, zae exiketyme ekaroase, ymaro otuhkety, mokyro jewokaneme toehse.

Saumu 41:9 ပူးပေါင်းရင်းမြစ်များ

2 Samueu 15:12

Mame tynekarory zahkaryhtao Apisarão a, Aitopeu tykohmapose eya pata Kiro poe aehtohme. Tawi akorehmaneme Aitopeu nexiase zae ehtoh poko tuaro aehtohme. Moro ke jamihmehxo Tawi myakãmary se exiketõ tooehse Apisarão maro. Tuhkãkõ roropa imaro tooehse toh nexiase.

Jo 19:13

“Turumekapose ywy Ritonõpo a wekyry tomo a. Imepỹ nono põme exiketyme jyrĩko jepe tõ mana.

Jo 19:19

Jepe tõ mã yse pyra ipunaka, imehnõ pyno exiase repe, yrome jepeme pyra toehse mã toto.

Saumu 101:3

moro taka popyra ehtoh onẽmapopyra ase ipunaka. Ritonõpo rumekary se exiketõ nyriry se pyra ase yronymyryme, mokaro rypyry poko se pyra roropa ase.

Jeremia 20:10

Imoihmãkõ omiry etãko ase puti puti ãko: “Emero rokẽ po erehtoh nae, enahkatopo! Eropa, Jeremia sekarotone tuisa tomo a!” ãko. Jepe tõ roropa josetapary eraximãko. Ynara ãko: “Otarame ahno apoitoh taka omõnõko mana; mame apoĩko sytatose, emỹpõko sytatose,” ãko.

Opatia 1:7

Oepekomo a tonekunohse mexiatose, ononorykõ poe taropose matose eya xine. Imehnõ nonory põkomo, imaro xine õmirykõ totapose oya xine etonara oehtohkõme repe, yrome ononorykõ typoremãkase eya xine. Oepekõ roropa amaro xine tõtuhse aexityamo a osenetupuhnõko mã toto ahno apoitoh riry poko ãpoitohkõme; ynara ãko mã toto opoko xine: ‘Etomita tõ tuaro pyra exiketõme mã toto!’ ” ãko.

Mikeja 7:5

Osewomapopyra ehtoko oepe tomo a. Osenekunohpopyra exiko amaro ytoytokety a. Tomeseke exiko õtururu poko opyty a.

Mateu 26:23

Ynara tykase Jezu eya xine: — Mose jewokãko nase, ymaro morohno paratu aka otuhkety.

João 13:18

— Emero opoko xine kara ywy repe. Ynymenekatyã waro ase. Yrome pake Ritonõpo nymeropohpyry ae ro jewokaneme toehse: “Mose, ymaro otuhkety jewokaneme toehse,” tykase pake.

Teuteronomiu 32:15

Tymõkomoke toehse Ritonõpo poetory tomo, tytineruke toehse, tomãse toto, tupune toehse, tuesapare roropa. Mame Ritonõpo turumekase eya xine; Towomanekõ omipona se pyra toehse toh nexiase, typynanohnekomo.