Saumu 40:2 - Ritonõpo Omiry: A Bíblia Sagrada na língua Aparai do Brasil

² Janymyase oramã xihpyry ae, ikurepato tahxikurẽ poe, purapuramã orihmatõ poe. Topu jamihmã pona jaroase, jewomatohme.

Saumu 40:2 ပူးပေါင်းရင်းမြစ်များ

Saumu 37:23

Zae kuesemarykõ ae kuarotorỹko Kuesẽkõ mana, tyamaro exiketõ ewomãko mana.

Saumu 119:133

Kuakorehmako epukara jehtohme õmihpyry ae ro; yporemãkapopyra exiko roropa iirypyryme ehtoh ke.

Saumu 27:5

Mame popyra ehtoh toehse ahtao jewomãko mana tytapyĩ tao. Jukurãkãko mana Tytapyĩ kurã tao, jewomãko mana kaetoko exikety ao, topu konõto po.

Saumu 61:2

Tapotũkehse ywy; ameke roropa ytapyĩ tae okohmãko ase! Kuaroko topuimo pona, jewomatoh taka, ymotye kuhse mase jamihme.

Saumu 71:20

Popyra ehtoh tonehpose oya ya, jetuarimatoh roropa, yrome yjamitunuru ekarõko ropa mase ya, janỹnõko mase orihpyra jehtohme.

Saumu 86:13

Ypyno mase yronymyryme! Kypynanopyase jorihmapopyra imehnõ ehtohme.

Saumu 69:2

Ikurepato htaka omõnõko ase zue aka, tũporẽ pyra mana upupuru apõme. Zue aka tomõse ywy, nerỹko ase tuna opotũ exiryke.

Zakaria 9:11

Ritonõpo ynara ãko mana: “Jerusarẽ põkomo, jomihpyry etapoase oya xine, opynanopyrykõ topehmase munu ke. Morara exiryke oekyry tõ anỹnõko ase toto apoihpõkõ winoino, tanỹsẽme exĩko mã toto eutary winoino, namotome oehtopõpyrykõ poe.

Saumu 18:36

Japoipopyra mexiase jepetõkara a, epukara roropa exiase ipunaka.

Atos 2:24

Mame tõsemãkapose ropa ynororo Ritonõpo a. Jũme orihpynỹpo sã toehse ropa ynororo typoremãkapory se pyra toexiryke toorihtopõpyry a.

Saumu 143:3

Yzehno exiketomo a tokahmase ywy japoitoh pona, typoremãkase ywy eya xine ipunaka. Ãpuruhpyry xinukutumã taka tõmase ywy eya xine, pake aorihtyã sã ase.

Saumu 17:5

Osema kurã ae ytokety sã, õmiry omipona ase, azahkuru ehtoh poko pyra exiase.

Saumu 116:3

Jorihmapotoh jomye nexiase ameke pyra. Tapuruse exiase jerehtoh ke jorikyry zuno jexiryke, enaromỹke exiase torẽtyke roropa ipunaka.

Mateu 13:50

Morarame pohnõ pahnõko mã toto apotoimo htaka. Moroto xitãko mã toto. Kui kui ãko roropa mã toto tãtasamaryme, tykase Jezu eya xine.

Izaja 24:22

Oximõme mokaro enehpõko mana, toto ẽmatohme eutary aka; moro ao tapurusẽme exĩko mã toto okynahxo, moromeĩpo tuãnohsẽme exĩko mã toto.

Saumu 18:7

Morarame nono tykytyky tykase, kywyh tykase roropa, ypy tõ apõ kywyh tykase. Tykytyky tykase roropa, tãtaekymase Ritonõpo exiryke.