Saumu 4:7 - Ritonõpo Omiry: A Bíblia Sagrada na língua Aparai do Brasil

⁷ Yrome opoko tãkye jehtoh, onekarohpyry ya mokaro tãkye ehtoh motye mana tykyrysã apoiry poko eya xine.

Saumu 4:7 ပူးပေါင်းရင်းမြစ်များ

Izaja 9:3

Mokaro tomãkapose oya, Ritonõpo, tãkyehxo toto tyripose roropa oya. Atãkyemãko mã toto onyrihpyry poko, tykyrysã apoiry poko exiketõ sã tupito tõ po te, mõkomo apiakary sã roropa soutatu tomo a osetapaxĩpo.

Saumu 37:4

Atãkyemako Kuesẽkõ poko! Mame openetatoh ekarõko oya mana.

Saumu 43:4

Mame apoto apõ pona ytõko ase oẽpataka, Ritonõpo. Omoro rokẽ jãkyemãko mase. Ykyryry haapa etõko ase, eremiãko ase oeahmatohme, Ritonõpo, Jesemy.

Atos 14:17

Yrome tahxime kynosenepone samo. Tynyrihpyry kurã enepone roropa. Ynororo rokẽ konopo enehpõko mana kỹkyryrykõ ahtatohme, eperytatohme roropa. Kuohkõ ekarõko roropa mana tãkye kuehtohkõme kutuarõtatohkõme typoko, tykase Pauru Rixityra põkomo a.

Kãtiku 1:4

Kuaroko amaro! Eropa axiny! Ytuisaryme exiko, mame kuaroko onyhtoh taka. Tuisa konõto, atãkyemãko ynanase opokoino, eremiãko ynanase opoko, opyty pyno oexiry poko, amaro ehtoh kure mana yna a, eukuru jehnahpyry motye. Naeroro, tuisa, emero opyno ynanase.

Saumu 92:4

Ritonõpo, onyrityã ajamitunuru ke jãkyemãko mana! Eremiãko ase, atãkyemãko onyrityã poko.

Jeremia 48:33

Tãkye ahno ehtoh tonahse, atãkyematoh roropa tonahse Moape nonory kurã po. Uwa eukuru onyripyra toehse mã toto. Eukuru rinanõ pyra mana, kui kananõ pyra roropa mana tãkye ehtoh ke.

Juize 9:27

Mame toytose toto tutupikõ pona uwa tõ apoise eukuru ritohme. Tãtãkyematohkõ tyrise eya xine. Mame tyneponãmarykõ eahmatoh taka tomõse toto, tõtuhse toto, eukuru tõse eya xine, Apimereke tykerekeremase eya xine.

1 Peturu 1:8

Jezu Kyrixtu onenepitopyra matose yrome ipyno matose. Onenepyra ro matose seromaroro yrome enetupuhnõko matose. Naeroro atãkyemãko matose ipunaka. Ãtãkyemarykõ kapuaõkõ tãkye exiry sã mana, ekuhpỹme sã mana tãkye kuhse oexirykõke.

Numeru 6:25

Kure ehtoh oya ekaropõko ase Ritonõpo a, awãnohpopyra xine roropa ase eya.

Saumu 31:17

Ritonõpo Jesemy, okohmãko ase. Yporemãkapopyra exiko jepetõkara a. Mokaro popyra exiketõ iporemãkapoko, mynyhme toto ytotohme aorihtyã esaka!

Saumu 67:2

tyriry se oehtoh waro sero nono põkõ ehtohme, emero; typynanopyrykõ se oexiry waro imeimehnõ nono põkõ ehtohme porehme.

Saumu 80:4

Ritonõpo yna Esemy, Jamihmehxo Exikety, otoko ahtao opoetory tõ otururu zehno exikehnõko mah?