Saumu 4:4 - Ritonõpo Omiry: A Bíblia Sagrada na língua Aparai do Brasil

⁴ Enaromỹke ehtoko, oorypyrykõ poko exikehtoko; mynyhme ehtoko onyhtohkõ po õsenetupuhtohkõ waro oehtohkõme.

Saumu 4:4 ပူးပေါင်းရင်းမြစ်များ

Jo 28:28

Ynara tykase ynororo ahno a: “Tuaro oexirykõ se awahtao xine, Imehxo Ritonõpo Ehtoh enetupuhtoko aomiry omipona oehtohkõme; zuaro ehtoh enetuputyry se awahtao xine popyra ehtoh irumekatoko.”

Saumu 119:161

Ahno jamihmãkõ osetapãko mã toto ymaro onyryhpopãkara jahtao, yrome õmiry poko otato ase ukurohtao.

Saumu 17:6

Ritonõpo, oya oturũko ase, jezukuruke oya. Naeroro jomiry etako, jotururu oya.

Saumu 2:11

Kuesẽkõ eahmatoko tomeseke samo. Tykytyky kaxitoko, oesekumurukõ po oporohtoko ẽpataka;

Saumu 3:2

Oturũko mã toto ypoko, ynara ãko mã toto: “Mokyro anakorehmara Ritonõpo exĩko mana!”

Saumu 3:4

Ritonõpo kohmãko ase jakorehmaneme, tosary ypy kurã poe jezuhnõko mana.

Saumu 33:8

Ah sero nono põkõ emero Ritonõpo Kuesẽkõ omiry omipona nexĩ toto! Imehxo aexiry enetupuhtoko, ahno emero, sero nono po.

Saumu 46:10

“Osetapakehtoko,” ãko ynororo. “Zuaro ehtoko ypoko, ywy ase Ritonõpo. Sero nono põkõ tuisaryme ase. Sero nono esẽme ase, porehme.”

Saumu 63:6

Tohrame jahtao, wenikehpyra ase opoko. Osenetupuhnõko ase opoko koko ahtao, ẽmepyry pona

Saumu 77:6

Wenikehpyra ase jeremiatopõpyry poko koko ahtao. Emynyhmãko ro ase ukurohtao, ya rokẽ ynara ekaropõko ase:

Porowepio 16:17

Zae ehtoh poko exiketõ tomeseke sã mã toto ameke rokẽ ehtohme popyra ehtoh winoino; tomeseke exikety tynyriry poko osepynanohnõko mana.

Porowepio 16:6

Zae ehtoh poko awahtao zae omi onurumekara roropa awahtao oorypyrykõ korokãko Ritonõpo mana, aomipona exiketõ mã typynanohsẽme exĩko mã toto.

Porowepio 3:7

Tuaro exiketyme osekaropyra exiko; Ritonõpo omiry omipona exiko, zae pyra ehtoh poko pyra exiko.

Jeremia 5:22

Ywy ase Ritonõpo Oesẽkomo. Oty katohme juno pyra hmatou? Oty katoh tykytyky kara hmatou jẽpataka? Isawã rine tuna konõto ehpiryme jũme onymotyẽkara ehtohme. Tuna konõto osemãko, yrome tosae tũtara mana; pohkane tõ aryryãko reão sã repe, yrome ytopyra mã toto tosarykõ poe.

Apakuke 2:20

Ritonõpo Tytapyĩ Kurã tao mana. Ah emero porehme mynyhme nexĩ toto ẽpataka.

2 Korĩtiu 13:5

Osenetupuhtoko onyrirykõ poko zae oehtohkõ waro oehtohkõme. Kyrixtu omipona nymyry hmatou? Oseya rokẽ ynara kahtoko: “Jezu enetupuhnõko nymyry hano?” kahtoko okurohtao xine. Kyrixtu poetoryme nymyry awahtao xine, okurohtao xine Jezu Kyrixtu mana. Okurohtao xine Kyrixtu pyra ahtao ipoetory poenohnõko rokẽ matose. Morara awahtao xine toiparo rokẽ ipoetoryme osekarõko matose.

Epezu 4:26

Imepỹ zehno toehse awahtao xine tomeseke ehtoko, oorypyrykõ poko oexirykõino. Imepỹ zehno toehse awahtao xine, axĩ kure ehtoko ropa imaro, nyhpyra ro awahtao xine.