Saumu 4:2 - Ritonõpo Omiry: A Bíblia Sagrada na língua Aparai do Brasil

² Orutua komo, oty katohme orẽpyra jehtopõpyry tyoromãko matou jyhxirotoh ke? Oty katoh popyra ehtoh se rokẽ matou? Oty katoh ajohpe ehtoh etãko roropa matou?

Saumu 4:2 ပူးပေါင်းရင်းမြစ်များ

Saumu 106:20

Ritonõpo Imehxo Exikety tymyakãmase eya xine okyno panõ ke, onahpoty enahne ke.

Saumu 14:6

Tymõkomoke pyra exiketõ ise ehtoh kararahnõko popyra exiketõ mana. Yrome mokaro ewomãko Ritonõpo mana.

Saumu 2:1

Oty katohme atamorepãko sero nono põkõ nae Ritonõpo poremãkapory poko? Toiparo rokẽ moro poko osenetupuhnõko mã toto.

Saumu 3:3

Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

Saumu 31:6

Imehnõ neponãmary eahmananõ se pyra mase ipunaka; ajohpe rokẽ mã toto. Yrome ywy oenetupuhnõko ase.

Saumu 5:6

Ajohpe exiketõ enahkapõko mase, imehnõ ryhmananõ se pyra mase ipunaka, imehnõ enekunohnanõ roropa.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Saumu 57:4

Tapuruse ywy jepetõkara a; reão tõ sã mã toto, jesekary se mã toto. Jery warata sã mã kehko, pyrou sã roropa, inurukõ tapema sã mana, taere exikety sã ipunaka.

Saumu 58:1

Tuisa tomo, kowenu poko erohketomo, zae imehnõ apiakãko matou inyrihpyry emetakame? Zae nymyry ahno apiakãko matou?

Saumu 58:3

Tonurutopõpyry poe ro popyra exiketõ zae pyra ehtoh poko mã toto; ajohpe omiãko mã toto tonurutopõpyry poe ro.

Saumu 63:11

Morararo tuisa atãkyemãko mana Ritonõpo poko, orẽpyra tyrise exiryke eya. Ynara kananomo: “Takorehmase jahtao Ritonõpo a ynekarory ekarõko ase eya,” kananõ tãkye exĩko mana. Yrome ajohpe exiketõ mynyhme rokẽ exĩko mã toto.

Saumu 72:2

ajohpe pyra aehtohme opoetory tõ tuisaryme aerokuruhtao, zae toto apiakatohme tymõkomokãkara tonekunohse ahtao jamihmehxo exiketomo a.

Exutu 10:3

Moeze toytose Arão maro tuisa zuruse. Ynara tykase toto eya: — Ritonõpo epereu tõ Esẽ ynara ãko: “Otarahtao jomiry moĩko mano? Jomiry omipona exĩko mano? Ah ypoetory tõ nytõ toto sero nono poe jeahmase.

Porowepio 1:22

— Tuaro pyra exiketomo! Otara ahtao rowohpe oehtohkõ rumekãko matou? Otara ahtao ãtahmãkarykõ tuaro ehtoh poko rumekãko matou? Jũme tuaro oexirykõ se pyra hmatou?

Ekereziaxti 8:11

Oty katoh axĩ sã rokẽ popyra ehtoh rĩko ahno nae? Otarame axi hkopyra tuãnohse popyra exiketõ exiryke.

Ekereziaxti 9:3

Oxisã exĩko mana ahno a emero. Moro popyra mana ipunaka sero nono po. Ahno isene ahtao ikurohtao xine pehme mã toto popyra ehtoh ke, rowohpe ehtoh ke. Mame mõtoino rokẽ orihnõko mã toto.

Izaja 20:5

Mokaro Etiopia põkõ enetupuhnanõ takorehmanekõme, Ejitu jamitunuru poko epyrypaketõ roropa osenekunohkehnõko mã toto, typynanopyrykõ ropa oneraximara exĩko mã toto.

Izaja 45:17

Yrome Izyraeu tõ mã typynanohse Ritonõpo a; jumãme typynanohse mã toto, jũme toto onyporemãkapopyra ropa exĩko mã toto, jũme ehxiropyra exĩko mã toto.

Izaja 59:4

Ahno apiakatoh taka ytõko matose repe, yrome zae ehtoh se pyra matose, apiakane ẽpataka ajohpe rokẽ oturũko matose. Torẽnase matose imehnõ enekunopyry poko. Atamorepãko matose imehnõ ryhmary poko, mame morohne ke imehnõ ryhmãko matose.

Jeremia 2:11

Imepỹ nonory põkõ tyritõ onymyakãmara tyneponãmary panõ ke, isene pyra exiketõ ke, tynyrihpyrykõ ke, toponãmasã ajohpe exikety ke. Yrome ypoetory tomo a tymyakãmase ywy, Ritonõpo kurã, Imehxo Exikety tymyakãmase eya xine, toponãmasã panõ ke, tynyrityã ke, isene pyra exiketõ ke, anakorehmara exiketõ ke.

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Jeremia 9:3

Tahxime ajohpe oturũko mã toto imehnomo a. Ajohpe rokẽ mã toto sero nono po, zae ehtoh poko pyra mã toto. Ynara ãko Kuesẽkõ mana: “Ypoetory tõ popyra ehtoh poko exikehpyra mã toto, Ritonõpome jenetupuhpyra mã toto.”

Ozeja 4:7

— Tuhkehxo oturuketõ awahtao xine, tuhkehxo oorypyrykõ exĩko mana, onyrihpyry; morara exiryke imehxo oehtohkõ myakamãko ase ehxirotoh ke.

Jona 2:8

Mokaro tyneponãmarykõ xihpyry eahmananomo a turumekase omoro Tosẽkõme.

Numeru 14:11

Ynara tykase Ritonõpo Moeze a: — Otara ahtao jurumekakehnõko moxiã nae? Otara ahtao jenetupuhpitõko toh nae, tuhke yjamitunuru enepoase eya xine?

Atos 24:9

— Ajohpe pyra mana, tykase toto, juteu tomo Teaturu poko.

1 Korĩtiu 1:31

Morara exiryke ynara tymerose Ritonõpo omiryme: “Oepyryparykõ se awahtao xine Kuesẽkõ nyrihpyry poko rokẽ epyrypatoko,” ãko.

Epezu 4:25

Naeroro ajoajohpe pyra ehtoko. Zae rokẽ oturutoko imehnõ maro, tytororo kuexirykõke Kyrixtu zokome.

1 Samueu 12:21

Imehnõ neponãmary oneahmara ehtoko, ajohpe rokẽ toto exiryke. Ãkorehmasaromepyra xine mã toto, opynanohsaromepyra xine roropa mã toto, ajohpe rokẽ toto exiryke.