Saumu 4:1 - Ritonõpo Omiry: A Bíblia Sagrada na língua Aparai do Brasil

¹ Ritonõpo, Jewomane, kuezuhko jotururuhtao oya! Etuarimãko exiase, yrome kuakorehmase. Ypyno exiko seromaroro, jotururu oya etako!

Saumu 4:1 ပူးပေါင်းရင်းမြစ်များ

Jo 36:16

“Jo, typynanohse mexiase Ritonõpo a popyra ehtoh wino, towomase mexiase eya torẽtyke pyra oehtohme. Okyryry otuhtoh kurã po rokẽ motukuase, tonahsẽ kurã menapyase.

Saumu 11:7

Zae ehtoh rĩko Ritonõpo mana, ajohpe pyra ehtoh jamaro mana; aomiry omipona exiketõ jũme isene exĩko mã toto Ritonõpo ẽpataka.

Saumu 116:16

Opoetoryme ase, Ritonõpo; õmiry omipona ase, õmiry omipona aja ehtopõpyry saaro. Typynanohse exiase oya orihpyra jehtohme.

Saumu 116:6

Osewomasaromepyra exiketõ ewomãko mana. Orihsasaka jahtao typynanohse exiase eya.

Saumu 119:132

Kueneko ropa, ypyno exiko roropa opyno exiketõ pyno exikehpyra oehtoh samo.

Saumu 143:2

Opoetoryme jexiryke japiakara exiko, zae nymyry pyra ynanase emero porehme oneneryme.

Saumu 17:6

Ritonõpo, oya oturũko ase, jezukuruke oya. Naeroro jomiry etako, jotururu oya.

Saumu 22:1

Ritonõpo Jesemy, oty katohme kurumekase? Oty katoh ameke toehse mahno? Kykohmase repe jakorehmatohme yrome jomiry onetara mexiase.

Saumu 24:5

Kure rokẽ mokaro rĩko Ritonõpo Kuesẽkõ mana, ipynanohnõko mana, ewomãko roropa mana. “Zae mose mana,” ãko Ritonõpo mana apiakatoh tao.

Saumu 25:16

Ritonõpo, kueneko; ypyno exiko, toiroro jexiryke towomaneke pyra roropa jexiryke!

Saumu 31:8

Japoipopyra mexiase jepetõkara a. Osa konõto mekaroase ya, jytotohme jytory se jehtoh pona torẽtyke pyra.

Saumu 41:12

Jakorehmãko mase zae ehtoh poko jexiryke. Amaro jyrĩko mase jũme.

Saumu 42:1

Ritonõpo, kapau tuna se zehnase ahtao iporiry poko penetãko mana, mokyro sã opoko penetãko ase, amaro jehtohme!

Saumu 45:1

Omi kurã oehkehpyra mana ukurohtaka sero eremiatoh riryhtao ya tuisa eahmatohme. Unuru pape merotoh sã nase, emese kure pape merone emary ao.

Saumu 56:1

Ritonõpo, ypyno exiko, osetapãko mã toto ymaro; yyryhmakehpyra jepetõkara mana.

Saumu 57:1

Ypyno exiko, Ritonõpo, ypyno exiko! Oya oehnõko ase osewomatohme. Ãporiry tõ jerutumã zopino otonẽnõko ase tyryrykane konõto mynyhme ehtoh pona.

Saumu 6:1

Ritonõpo Jesemy, jupokara exiko yzehno awahtao! Juãnohpyra exiko zehno awahtao!

Saumu 67:1

Ritonõpo, yna onuãnohpyra exiko, kure rokẽ yna tyriko! Yna pyno exiko,

Saumu 76:1

Ritonõpo waro Juta põkõ mã toto; imehxo aexiry waro mã Izyraeu tomo.

Izaja 45:24

Zurũko mã toto, ynara ãko: Ritonõpo rokẽ mã tyjamitunuru ekarõko kyya xine orẽpyra kuehtohkõme. Yzehno aexityã emero toehxirosẽme exĩko mã toto, ehxirõko mã toto jẽpataka.

Jeremia 23:6

Tuisame mokyro ahtao Juta tõ towomasẽme exĩko, Izyraeu tõ maro osepeme exĩko mã toto. Tosehpasẽme exĩko mana: “Kuesẽkomo, Kypynanohnekomo”.

Apakuke 3:19

Yjamitunurume Ritonõpo mana. Ipokoino osetapara upupuru exĩko mã kehko, kapau pupuru samo, ypy tõ poro jarõko mana, moroto jewomãko mana.

1 Korĩtiu 1:30

Mãpyra Ritonõpo a typynanohse matose, Jezu Kyrixtu marõme oehtohkõme. Zuaro toehtoh ekarõko kyya xine mana. “Zae matose ya,” ãko Ritonõpo kyya xine, Jezu a tukurãkase kuexirykõke. Ritonõpo poenõme kure kyriatose. Kukurãkatamitukõ topehmase eya toorikyry ke rahkene.

2 Korĩtiu 1:10

Totatotapase yna ahtao orikyĩse ynanexiasene. Yrome Ritonõpo a typynanohse ynanexiase. Yna pynanohnõko ro mana. Naeroro ynoro rokẽ enetupuhnõko ynanase yna pynanohneme. Yna pynanohnõko ropa mana,

2 Korĩtiu 1:8

Jakorõ tomo, wenikehpyra ehtoko yna etuarimatopõpyry poko Azia po. Toetuarimase itamurume yna exiryke poremamyĩse ynanexiase. Yna orikyry eraximãko rokẽ ynanexiase.

1 Samueu 17:37

Ritonõpo a typynanohse ywy jesekara reão tõ ehtohme uuso tõ roropa. Moro saaro ypynanohnõko mana jetapara mokyro pirixteu ehtohme, tykase ynororo Sauu a. — Ỹ, omorohko. Ytoko. Ritonõpo amaro mana, tykase Sauu.