Saumu 32:3 - Ritonõpo Omiry: A Bíblia Sagrada na língua Aparai do Brasil

³ Yyrypyry onekaropyra jahtao totaehse exiase, yxitary poko rokẽ kohmãnõko exiase.

Saumu 32:3 ပူးပေါင်းရင်းမြစ်များ

2 Samueu 11:27

Moromeĩpo tyhnamokehse ahtao, tonehpose nohpo Tawi a tytapyĩ taka, ipytyme aehtohme. Mame toemũkuase orutuame ynororo. Yrome Tawi nyrihpyry Ritonõpo zamaro pyra nexiase.

Jo 3:24

“Tyoro tynahke ase, yxitaryke. Pusuh kakehpyra ase, tuna kuamyry sã ya.

Jo 30:17

Koko ahtao yzehpyry jetũ mã ipunaka. Jetũ jehtoh enahpỹme mana.

Jo 30:30

Ypihpyry xinukutume exĩko mana, joko axitũ exĩko mana oxirohnõko.

Saumu 22:1

Ritonõpo Jesemy, oty katohme kurumekase? Oty katoh ameke toehse mahno? Kykohmase repe jakorehmatohme yrome jomiry onetara mexiase.

Saumu 38:3

Yzehno oexiryke takuruhtase ywy yronymyryme. Joko porehme kure pyra mana popyra jehtopõpyryke.

Saumu 38:8

Jamihme pyra ase ipunaka, taomipohtomase ywy; torẽtyke ase ukurohtao, pusuh ãko ase sam karyke ya.

Saumu 51:8

Sekese kyriko ropa tãkye exiketõ omiry etatohme ropa, oseahmaketõ omiry etatohme roropa, tytũtũmase jahtao ro oya tytohtohkase jahtao roropa, tãkye exĩko ropa ase.

Saumu 6:2

Ypyno exiko tapotũkehse jexiryke. Kukurãkako ropa takuruhtase jexiryke.

Porowepio 17:22

Tãkye oexiry mã jamihme orĩko, tãkye pyra rokẽ awahtao orihnõko mase axĩ pyra.

Porowepio 28:13

Tyyrypyry tonẽse ahno a ahtao, orẽpyra exipyra ekurehnõko mana, yrome opynanohnõko Ritonõpo mana oorypyry ekaroryhtao eya irumekatohme oya.

Izaja 51:20

Osema tõ ae oekyry tõ epukãko mã toto tapotũkehse tomirykõke toexirykõke; kapau sã mã toto tapoise ahtao apoitoh ke apoinanomo a. Toepukase toto tyehno xine Ritonõpo exiryke, tuãnohse roropa toexirykõke eya.

Izaja 57:17

Iirypyryme ypoetory tõ toehse exiryke tyamene se roropa toto exiryke toto zehno toehse ywy, tuãnohse toto ya. Toto zehno jahtao turumekase toto ya, yrome morara ahtao ro putupyra toh nexiase, typenetatohkõ poko rokẽ toh nexiase.

Izaja 59:11

Aryryãko sã sytatose uuso tõ samo torehse ahtao, pusuh ãko sytatose utuku tõ samo; kypynanopyrykõ eraximãko sytatose, yrome okynahxo oehpyra mana; Ritonõpo a kuakorehmarykõ se sytatose repe, yrome kypoko xine pyra mana.

Ramẽtasão 1:3

Juta tõ imehnõ namotome toehse mã toto, tytapyĩ tae tarose toh nexiase. Imeimehnõ nonory po tooehse mã toto, tosake nymyry pyra toh mana. Tapuruse mã toto epetõkara a, epasaromepyra mã toto.

Ramẽtasão 3:4

Kynykynyme upũ tyripose eya, ypihpyry roropa yzehpyry tõ tytahkase eya.

Ramẽtasão 3:8

Kohtãko ase jakorehmatohme repe, yrome jotururu etary se pyra mã ynororo.

Ozeja 7:14

Toto otururuhtao ya zae nymyry pyra mã toto tukurohtao xine; aotururukohtao osemãko mã toto nono pona, tyxitarykõme juaro pyra exiketõ samo. Tonahsẽ ekaroporyhtao eya xine, eukuru maro typihpyry sahkãko mã toto juaro pyra exiketõ samo. Jomiry omipona pyra mã toto, emero porehme.

1 Samueu 31:13

Moromeĩpo jehpyrykõ tarose eya xine zonẽtohme wewe zopikoxi Jape pona, mame 7me tõmehse toto otuhpyra, enara.