Saumu 3:4 - Ritonõpo Omiry: A Bíblia Sagrada na língua Aparai do Brasil

⁴ Ritonõpo kohmãko ase jakorehmaneme, tosary ypy kurã poe jezuhnõko mana.

Saumu 3:4 ပူးပေါင်းရင်းမြစ်များ

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

Saumu 119:114

Otonẽtohme mase ya, josewomatohme roropa mase; kure ehtoh eraximãko ase õmihpyry ae ro.

Saumu 138:3

Kuezukuase okohmaryhtao ya, ajamitunuru ke jamihme kyriase ropa ukurohtao.

Saumu 18:3

Ritonõpo kohmãko ywy jakorehmatohme; ypynanohnõko mana yporemãkara jepetõkara ehtohme. Kuesẽkõ seahmatone!

Saumu 2:6

Ynara ãko mana: “Ynymenekahpyry yriase tuisame japõ po, moroto Jerusarẽ po, ypy Xião kurã po.”

Saumu 27:6

Moro sã jepetõkara poremãkapõko ase, japuruhpõkomo. Kohtãko ase atãkyemaryme, okyno tõ zahkãko ase ynekaroryme Itapyĩ tao; eremiãko ase Ritonõpo Kuesẽkõ eahmaryme.

Saumu 28:7

Jewomãko Ritonõpo mana, yjamitunurume roropa mana; Jesẽme enetupuhnõko ase. Jakorehmãko mana; morara exiryke atãkyemãko ase, eremiatoh kurã eremiãko ase Ritonõpo eahmaryme.

Saumu 34:4

Tõturuse ywy Kuesẽkomo a jakorehmatohme, mame tozuhse ywy eya; typynanohse ywy joserehtopõpyry tõ poe.

Saumu 34:6

Takorehmaneke pyra jahtao tykohtase ywy; totase Ritonõpo a, mame typynanohse ywy eya yyryhmatoh tonõ poe emero.

Saumu 43:3

Saerehkatoh enehpoko ya jamorepaneme zae jesemary poko. Kuaroko ropa ypy Xião pona, oesary kurã pona, atapyĩ kurã pona.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Saumu 62:8

Wekyry tomo, Kuesẽkõ onenetupuhkehpyra ehtoko! Osekarotoko eya, Kuewomanekõme ynororo exiryke, kuesarykõ kurano.

Saumu 84:12

Ritonõpo Jamihmehxo Exikety, tãkye mã mokaro tosẽkõme oenetupuhnanomo.

Saumu 89:19

Pake ahtao, enepotoh ae moturuase õmiry omipona exiketomo a: “Soutatu akorehmase, orẽpyra exikety; tuisame mokyro yriase, ynymenekahpyry ahno wino.

Saumu 91:15

Ykohmaryhtao eya xine ezuhnõko ase, aetuarimarykohtao imaro xine exĩko ase. Toto pynanohnõko ase, imehxo toto rĩko ase.

Saumu 99:9

Ritonõpo Kuesẽkõ eahmatoko. “Kure mase,” kahtoko eya esary po, ypy kurã po. Ynara exiryke, Ritonõpo Kuesẽkõ kure rokẽ mana.

Porowepio 2:7

Zae ehtoh poko exiketõ akorehmãko mana, toto ewomãko roropa mana.

Izaja 65:24

Oturukehpyra ro toto ahtao ya, toto akorehmãko ase; ikurãkãko roropa ase aotururuhtao ro ya.

Ramẽtasão 3:56

“Ajohpame sã jomiry etako!” tykase jahtao oya, ykohtary metase rahkene.

Mateu 7:7

— Oturukehpyra ehtoko Ritonõpo a. Ekaropotoko eya. Mame onekaropohpyrykõ ekarõko mã oya xine. Axĩ pyra onekaropohpyrykõ ekaroryhtao penekehpyra ehtoko. Otyro zupine sã oturukehpyra ehtoko. Moromeĩpo kurãkõ ekarõko Ritonõpo mã oya xine. Etapuruhmakapone sã ehtoko. Moromeĩpo etapuruhmakãko mana.

Tiaku 5:13

Oetuarimarykohtao, oturutoko Ritonõpo a. Sekese awahtao xine oeremiatoko Ritonõpo kure exiry poko.