Saumu 27:3 - Ritonõpo Omiry: A Bíblia Sagrada na língua Aparai do Brasil

³ Tapuruse jahtao soutatu tomo a, zuno pyra jyrĩko mase; ymaro jepetõkara etonaryhtao, Ritonõpo onenetupuhkehpyra exĩko ase.

Saumu 27:3 ပူးပေါင်းရင်းမြစ်များ

2 Koronika 20:15

Ynara tykase Jaazieu: — Juta põkomo, Jerusarẽ põkõ maro, tuisa Josapa roropa, etatoko pahne! Ynara ãko Ritonõpo Kuesẽkomo: “Oserehpyra ehtoko! Mokaro soutatu tõ imoihmãkõ zuno pyra ehtoko. Poremãpyra roropa ehtoko. Amaro xine pyra, osetapãko mã toto ymaro.

Jo 4:6

Ritonõpo omipona oexiryke onenetupuhkehpyra exiko! Zae ehtoh poko rokẽ oexiryke kure ehtoh eraximako!

Saumu 112:7

Popyra ehtoh oepyry poko omi zuno pyra mana; jamihme Ritonõpo enetuputyryke tyya.

Saumu 3:6

Enaromyra ase, jepetõkara miu motye toto ahtao, jomye toehse toto ahtao, toto zuno pyra ase.

Saumu 3:7

Osehko, Ritonõpo! Kypynanohko Jesemy! Etonãko mase jepetõkara maro; mokaro popyra exiketõ poremãkãko mase, toto jamitunuru enahkapõko mase.

Saumu 52:6

Moro enẽko zae Ritonõpo omipona exiketõ mana, enaromỹke exĩko mã toto; opoihtõko mã toto, ynara ãko:

Piripo 1:28

Ozehnotokõ zuno pyra ehtoko. Mokaro motye kuhse orẽpyra Ritonõpo mana. Naeroro orẽpyra rokẽ ehtoko kokoro rokene. Morarame enaromyra oexirykõ eneryke tyya xine typoremãkaporykõ enetupuhnõko mã toto. Apotoimo htaka tyrirykõ enetupuhnõko mã toto. Yrome tõmipona se exiketõ pynanohnõko Ritonõpo mana. Moro enetupuhnõko roropa mã toto. Naeroro ãkorehmatorỹko Ritonõpo mana, poremãpyra oehtohkõme jũme imaro oehtohkõme roropa.

1 Peturu 3:14

Otarãme ajoajohpãkõ oryhmatorỹko mã toto, kure rokẽ awahtao xine. Morara ahtao tãkye ro matose Ritonõpo poe. Ajoajohpãkõ zuno pyra ehtoko. Torẽtyke pyra ehtoko oryhmanekõ poko roropa.

Apokaripxi 2:10

Oserehpyra ehtoko oetuarimarykõ poko. Imeĩpo etuarimãko matose otarame. Etatoko ke, ãpuruhpyry taka oẽmapotorỹko joroko tamuru mana okuhtohkõme. Etuarimãko matose 10 me ẽmepyry rokene. Poremãpyra ehtoko jenetuputyry poko oya xine, oorihtohkõ ponãmero. Mame orihpỹme oritorỹko ase. Tururume ytoketõ tururume ytõko orẽpyrahxo toehtohkõ enepotohme. Orẽpyrahxo exikety parimã apoĩko mana orẽpyra toehtamitume. Moro sã orihpỹme oehtohkõ apoĩko matose poremãpyra awahtao xine jenetuputyry poko.

1 Samueu 19:8

Moromeĩpo etonatoh toehse ropa. Tawi toytose pirixteu tõ poremãkase ropa. Orẽpyrahxo totapase toto ahtao eya toepase toto.