Saumu 22:3 - Ritonõpo Omiry: A Bíblia Sagrada na língua Aparai do Brasil

³ Tuisa apõ po typorohse mase, Ritonõpo kurano. Omoro mase Izyraeu tõ neahmahpyry.

Saumu 22:3 ပူးပေါင်းရင်းမြစ်များ

Jo 19:7

Kohtãko ase, yyryhmara Ritonõpo ehtohme. Yrome onetara imehnõ mana. Kohtãko ase opore repe, yrome zae ehtoh onyripyra mã toto.

Jo 30:20

“Ritonõpo, kohtãko ase oya, jakorehmatohme, yrome jezuhpyra mase. Oturũko ase oya, yrome onetara mase.

Saumu 145:17

Kuesẽkõ zae mana emero riry poko, anamonohpyra mana emero riryhtao eya.

Saumu 50:23

‘Kure mase,’ kary ya, onekaroryme mana, jeahmãko mase, mame opynanohtorỹko ase, jomipona awahtao xine emero porehme.”

Saumu 65:1

Ritonõpo, zae nase oeahmary yna a ypy Xião po, yna omihpyry ae ro ynanekarory enepyry roropa oya tokarosẽme.

Saumu 88:2

Jotururu oya etako; otato exiko kui karyhtao ya jakorehmapory poko.

Saumu 99:9

Ritonõpo Kuesẽkõ eahmatoko. “Kure mase,” kahtoko eya esary po, ypy kurã po. Ynara exiryke, Ritonõpo Kuesẽkõ kure rokẽ mana.

Izaja 6:3

Oturũko toh nexiase opore oseya, ynara ãko: “Kurano, kurano, kurano! Ritonõpo Jamihmehxo Exikety kure mana; Saeremehxo aexiry sero nono pehkãko mana!”

Apakuke 1:2

Ritonõpo Jesemy, oya oturũko ase, yna akorehmatohme repe. Oty katohme onetara sã mahno? Kohtãko ase oya: “Yna ryhmãko mã toto!” ãko ase repe. Yrome yna onypynanohpyra mase.

Teuteronomiu 10:21

Ritonõpo eahmatoko; kuesẽkõme mana. Inyrihpyry jamitunuru tonese oya xine oenurukõ ke, õsenuruhkatohkõ roropa tonese oya xine kure rokẽ orirykõ poko.

Apokaripxi 4:8

6me taporihke toh nexiase. Tonure tuhke toh nexiase aporirykõ poko, zopino, epoe roropa, enara. Eremiakehpyra toh nexiase saereme, koko, enara. Ynara nase toto: “Kurano, kurano, kurano, Kuesẽkõ Ritonõpo, Imehxo Exiketyme mana. Pake exikety ynororo. Seromaroro nae ro mana. Myarotokoro ynororo jumanatome,” nase toto.