Saumu 140:9 - Ritonõpo Omiry: A Bíblia Sagrada na língua Aparai do Brasil

⁹ Orẽpyra jepetõkara onyripopyra exiko; ah jenaroximatoh tonõ eya xine nepukã toto epona xine.

Saumu 140:9 ပူးပေါင်းရင်းမြစ်များ

Exite 5:14

Mame ynara tykase ipyty, epe tõ roropa, imaro exiketomo: — Wewe risẽ tyripoko xikihme exikety, 20 meturume exikety. Kokoro pakeimo ekaropoko tuisa a Moatekai anỹpotohme ipymyry ae tyhwyme moro wewe pokona. Moromeĩpo ytoko tãkye tuisa maro otuhtoh kurã pona. Morara kary kure nexiase Hamã a, wewe risẽ tyripose eya rahkene.

Exite 7:10

Naeroro Hamã tanỹse tyhwyme eya xine inyripohpyry pokona, Moatekai orihmapotopõpyry pokona. Morara exiryke tyekĩtapãkehse tuisa roropa.

Saumu 64:8

Toto enahkãko Ritonõpo mana aomirykõ pokoino; mokaro eneryhtao imehnomo a, osenuruhkãko mã toto.

Saumu 7:16

Moro sã tuãnohsẽme exĩko mã toto popyra toehtohkomo a. Tyyryhmasẽme exĩko mã toto, imehnõ ryhmary se toexirykõke.

Saumu 94:23

Apiakananõ zae pyra exiketõ wãnohnõko mana zae pyra toto nyrityã pokoino; toto enahkapõko Ritonõpo Kuesẽkõ mana popyra inyrityãkõ emetakame.

Porowepio 10:11

Zae ehtoh poko exiketõ omiry tuna enatyry sã mana isene exiketomo a. Yrome popyra ehtoh poko exiketõ omiry mã imehnõ ryhmary se toexiry poko zonẽnõko mana.

Porowepio 10:6

Zae ehtoh poko exiketõ kurãkõ ke pehme mã toto. Popyra ehtoh poko exiketõ omiry mã imehnõ ryhmary se toehtohkõ zonẽnõko mana.

Porowepio 12:13

Ajohpe exiketõ tapoisẽme exĩko mã toto aomirykomo a, yrome ajohpe pyra exiketõ tũtãko mã toto popyra ehtoh winoino.

Porowepio 18:7

Tuaro pyra exikety otururuhtao ehxirõko mana, tõmiry ke apoitoh rĩko sã mana, mame tapoisẽme exĩko mã ynororo tynyrihpyry ao.

Mateu 27:25

Mame ynara tykase imoihmãkõ eya: — Ỹ, awãnohpyra Ritonõpo mana mose etapary poko. Yna rokẽ wãnohnõko Ritonõpo mana, yna poenõ roropa wãnohnõko mana, tykase imoihmãkõ Pirato a.

Teuteronomiu 32:27

yrome toto eunopyry se pyra exiase epetõkara a, ynara kary etary se pyra exiase ajohpe: ‘Ritonõpo poetory tõ typoremãkase kyya xine, Ritonõpo a pyra tonahkase toto.’ ”