Saumu 13:2 - Ritonõpo Omiry: A Bíblia Sagrada na língua Aparai do Brasil

² Otãto ise ro jetuarimatoh eanahtotohme ya? Otãto ise ro jemynyhmary ukurohtao saereme, koko, enara? Otãto ise ro yporemãkary jepetõkara a?

Saumu 13:2 ပူးပေါင်းရင်းမြစ်များ

Neemia 2:2

Naeroro tõturupose ynororo, ynara tykase ya: — Oty katohme sekese pyra mahno? Akuruhtara mase; naeroro tãkye pyra rokẽ mase. Mame tõserehse ywy.

Exite 7:6

— Yna epekara, yna enahkary se exikety, mose Hamã popyra exikety! tykase Exite. Tonaroxitapãse Hamã tuisa enẽko rokene, tuisa pyty enẽko roropa ynororo.

Jo 10:15

Iirypyryme jahtao juãnopyry eraximãko rokẽ ase oya; zae jahtao, jupuhpyry anymyry zuno ase, ehxirõko roropa ase jetuarimatoh eneryke ya.

Saumu 10:18

Iiryhmatyã kohtary etãko mase, tumyke pyra exiketõ roropa; zae apiakãko mase toto akorehmaryme, toto onyryhmara ropa ahno tõ ehtohme.

Saumu 116:3

Jorihmapotoh jomye nexiase ameke pyra. Tapuruse exiase jerehtoh ke jorikyry zuno jexiryke, enaromỹke exiase torẽtyke roropa ipunaka.

Saumu 17:9

otonẽxi amaro, ypoko pyra popyra exiketõ ehtohme. Yzehnotokõ jomye mã toto.

Saumu 31:18

Ah ajohpe exiketõ mynyhme nexĩ toto, mokaro epyrypaketomo, imehnõ motye kure osekaroketomo, imehnõ ajohpe pyra exiketõ poihtonanomo!

Saumu 38:17

Epukasasaka ywy, jetuarimatoh enahpỹme samo.

Saumu 42:4

Ukurohtao sam ãko ase josenetuputyryhtao pake ehtopõpyry poko, toytose jahtao imoihmãkõ maro Ritonõpo maro oturutoh taka. Esemazupurume ytoase imaro xine, oximõme atãkyemãko, eremiãko kohtãko Ritonõpo eahmãko.

Saumu 6:4

Kypynanohko, Ritonõpo Jesemy! Yna pyno oexiryke kuanỹko orihpyra jehtohme.

Saumu 7:2

Reão sã jarory se mã toto ypynanohsaromepyra imehnõ ehtoh pona, moroto yxihxihkatohme.

Saumu 74:10

Ritonõpo oty po ahtao yna eunohkehnõko yna epetõkara nae? Jũme oeunohkehpyra toh exĩko nae?

Saumu 74:18

Ritonõpo yna Esemy, wenikehpyra exiko oeunohkehpyra oepetõkara exiry poko. Popyra ehtoh poko mã toto, opoihtõko mã toto.

Saumu 8:2

oeahmãko poeto tõ pisarara, eremiãko enurusenã komo, mireremã kõ roropa oeahmãko mã toto, oepetõkara poremãkatohme ozehno exiketõ mynyhpãkapotohme emero porehme.

Saumu 9:6

Kuepetõkara patary tõ takuhkuhmose oya; tonahkase toto oya jũme tuenikehse ipunaka mã toto.

Porowepio 15:13

Tãkye ahno ahtao mirỹme ẽmyty exĩko mana, yrome toemynyhmaryhtao sekese pyra exĩko mana.

Ekereziaxti 5:17

Ynara rokẽ tapoise kyya xine: tamuhpõme toehse, tykohmãse sã sytatose kuemynyhmarykõ poko, torẽtyke ehtoh poko, kure pyra, tãkye pyra, enara.

Jeremia 15:18

Oty katohme sam ãko ro hano? Oty katoh jyyryhmatopõpyry jetũ exikehpyra nae? Oty katoh etyhpyra nae? Ypynanopyry oneraximasaromepyra hano? Amonohnõko mah iporiry tãpaise exikety samo eina toehse ahtao.

Jeremia 45:3

ynara ãko mase: “Typenekehse ywy! Ritonõpo, Jesemy a jemynyhmatoh tomãkapose, jetuarimary roropa. Tapotũkehse ywy pusuh kary poko, oseremasaromepyra ase!”

Jeremia 8:18

Emynyhmãko ase ipunaka, ekurãkasaromepyra ase; ukurohtao jeano kure pyra mana.

Ramẽtasão 1:5

Epetõkara mokyro tuisaryme toehse, orẽpyrahxo exĩko mã toto. Jerusarẽ põkõ rohmanohpõko Ritonõpo mana iirypyryme itamurume toehse toto exiryke. Imũkuru tõ tapoise epetõkara a, toto arotohme mya esarykõ poe.

Ramẽtasão 1:9

Mokyro nuriame ehtoh osenẽko mana, zupõ xikurome exiryke. Yrome oty kara nexiase, torẽtyke pyra imeĩpo toexiry poko. Mokyro poremãkatopõpyry popyra nexiase ipunaka, emuhkehkananõ pyra nexiase. “Ritonõpo, kueneko ajohpame samo, etuarimãko ase jepetõkara orẽpyra toehse exiryke.”

Ramẽtasão 5:20

Oty katoh yna murumekase okynahxo? Otarahtao yna poko tuarõtãko ropa mah mya roropa?

Mateu 26:38

Ynara tykase ynororo typoetory tomo a: — Emuhtapãnõko ase yronymyryme. Morara exiryke taro rokẽ ehtoko aporo, eneneme ymaro, tykase Jezu eya xine.

Ruka 22:53

Kokoro rokẽ amaro xine exiase Ritonõpo Tapyĩ tao. Moro tao jahtao japoipyra mexiatose. Sero kohmamyry ae rokẽ japoĩko matose tykohmãse exiryke. Iirypyrymãkõ esẽ oesẽkõme mana, joroko tamuru. Oesẽkõme aexiryke aomipona matose, tykase Jezu eya xine.

João 16:6

Jytory poko turuse ya oexirykõke emynyhmãko matose.

Romanos 9:2

“Emynyhmãko ase yronymyryme wekyry tõ poko, juteu tõ poko,” ãko ase. Sam kakehpyra ase ukurohtao. Wekyry tõ nymyry mokaro juteu tomo.

Piripo 2:27

Itamurume kure pyra nexiase. Orikyĩse nexiase. Yrome ipyno Ritonõpo nexiase. Ipyno rokẽ pyra, ypyno roropa nexiase omuhpe jexiryino.

1 Samueu 18:29

Naeroro Tawi zunohxo toehse ynororo. Epeme pyra toehse ynororo jũme toorikyry ponãmero.

1 Samueu 24:19

Toipe soutatu tõ mana, tyehnoto apoiryhtao tyya anaropopyra ropa, etapãko mana, toipe. Ritonõpo kure rokẽ oepehmãko mana typynanohse oya jexiryke seroae.