Saumu 128:3 - Ritonõpo Omiry: A Bíblia Sagrada na língua Aparai do Brasil

³ Opyty eperytakety sã exĩko atapyĩ tao mana; opoenõ oriwera zoko sã exĩko mã toto õtuhtoh zomye.

Saumu 128:3 ပူးပေါင်းရင်းမြစ်များ

Jenexi 49:22

“Joze, wewe eperytakety sã mana tuna enatyry pũto. Itamurume eperytãko mana. Amoriry apuru motye exĩko mana.

1 Koronika 8:40

Urão mũkuru tõ orẽpyra soutatu tõme toh kynexine, pyrou emãko kure. 150me imũkuru tomo, ipakomotyã maro Urão nae kynexine. Emero Pẽjamĩ pakomotyãme toh kynexine.

Saumu 127:3

Omũkurukõ Kuesẽkõ nekaroryme mã toto; inekarory kurãme mã oya xine toto.

Saumu 127:5

Tãkye mã mokyro tuhke typyreke exikety; mokyro onyporemãkapopyra imehnõ mana, tyehno exiketõ maro aotururuhtao juize tõ ẽpataka, apiakatoh tao.

Saumu 144:12

Ah yna mũkuru tõ poetome toto ahtao, otyro zoko sã nexĩ toto, jamihme, ah yna ẽxiry tõ tuisa tapyĩ konõto ipuroxikihny sã nexĩ toto, emeporyme!

Saumu 52:8

Yrome oriwera zoko sã ase ahtãko Ritonõpo tapyĩ myhto; ypyno aexiry enetupuhnõko ase, jũme ypyno exikehpyra mana.

Jeremia 11:16

Pake ahtao mokaro poko ynara tykase ywy, Oriwerame nupunato mana, topere sã nexiase azeitona kurã ke, tẽme. Seromaroro panaikato maro konomeru sã apoto zukãko ase zary tõ poko ãmoriry tõ tahkãko ase.

Ezekieu 19:10

Izyraeu tomo, uwa zoko sã asakõ mana, tarykase iporiry ehpio. Tamorihke tuhke toehse, toperytase itamurume, uwa tomo, tuna itamurume nae exiryke.

Romanos 11:24

Amarokõ juteutõkara oriwera amoriry itu htaõ sã matose. Mame moro itu htaõ amoriry tysahkase, arykahpyry aka tyritohme, tarykasã amoriryme ehtohme ropa. Moro sã matose. Osemazuhme Ritonõpo poetoryme pyra mexiatose. Yrome seromaroro ipoetoryme toehse matose. Mame oriwera amorirỹpyry riry ropa tupime pyra Ritonõpo a. Moro sã juteu tõ riry ropa tupime pyra Ritonõpo a mana typoenõme ropa toto ehtohme. Enetuputyryhtao eya xine typoenõme toto rĩko ropa Ritonõpo mana.