Saumu 127:2 - Ritonõpo Omiry: A Bíblia Sagrada na língua Aparai do Brasil

² Toiparo rokẽ itamurumehxo toerokuru poko epehpyry apoiry poko; pakeimo owõnõko mase, ataxikãko tykohmãse ahtao. Ynara exiryke, tonahsã ekarõko Ritonõpo mana typyno aexityamo a inykyrykohtao ro.

Saumu 127:2 ပူးပေါင်းရင်းမြစ်များ

Jo 11:18

Towomaneke exĩko mase, torẽtyke pyra, kure ehtoh eraximãko rokẽ mase. Oewomãko Ritonõpo mana, kure rokẽ nyhnõko roropa mase koko.

Saumu 3:5

Ataxikãko ase, torẽtyke pyra nyhnõko ase, imeĩpo pakãko ropa ase Kuesẽkõ jewomaryke.

Saumu 4:8

Ataxikãko ase torẽtyke pyra, kure rokẽ nyhnõko ase, omoro rokẽ Ritonõpo, jewomãko mase.

Saumu 60:5

Yna ipynanohko ajamitunuru ke; yna otururu oya etako opoetory tõ pynanohtohme, toto pyno oexiryke.

Porowepio 10:22

Tymõkomoke sytatose kure kyrirykõke Ritonõpo a. Moro motye onyrisaromepyra sytatose kuerohtohkõ ke.

Ekereziaxti 1:14

Ahno nyriry enease emero porehme sero nono po. Ourutorỹko ase: toiparo rokẽ mana, emero. Tururume tyryrykane ekahmary sã mana.

Ekereziaxti 4:8

Orutua, toiroro exikety, topeke pyra, tumũkue pyra, takorõke pyra tahxime erohnõko mana, tãkye pyra toerohtamitu poko. Oty katoh itamurumehxo erohnõko nae, oseahmara, atãkyemara kyryry kurã poko? Moro roropa toiparo rokẽ mana, popyra ipunaka.

Ekereziaxti 5:12

Kure nyhnõko erohkety mana pitiko rokẽ enapyryhtao eya, itamurume enapyryhtao roropa eya. Yrome tymõkomoke exikety torẽtyke toexiryke tymõkomory poko nyhsaromepyra mana.

Ekereziaxti 6:7

Erohnõko sytatose yronymyryme tonahsẽ apoitohme, otuhtohme. Yrome tuesapare exipyra ekurehnõko sytatose.

Jeremia 31:26

Mame typakase ywy tõseremase, kure nexiase jynyhtopõpyry ya.

Ezekieu 34:25

Mame jomiry etapõko ase eya xine, toto ewomatoh ya waro toto ehtohme. Onokyro tõ enahkapõko ase okyno esekananomo, Izyraeu tõ nonory po. Mame jeky tõ kaneru tõ enaromyra exĩko mã toto ona po, nyhnõko mã toto itu htao roropa.