Saumu 113:9 - Ritonõpo Omiry: A Bíblia Sagrada na língua Aparai do Brasil

⁹ Nohpo, emũkuapỹ ãkyemapõko mana imehxo tytapyĩ tao, tãkye mokyro ripõko mana, imũkuru tõ ekarõko eya mana. “Kure mase, Ritonõpo,” kahtoko!

Saumu 113:9 ပူးပေါင်းရင်းမြစ်များ

Jenexi 25:21

Mame emũkuasaromepyra Repeka kynexine, naeroro tõturuse Izake Ritonõpo a typyty poko. Aomiry totase Ritonõpo a, mame poetoẽme toehse ynororo.

2 Tuisa 4:17

Yrome, Eriseu omihpyry ae ro, toiro jeimamyry taropose ahtao, toemũkuase ynororo.

Saumu 68:6

Turumekase exiketomo a tapyi ekarõko mana moro tao toto ehtohme, ãpuruhpyry taõkõ tũtanohpõko ropa mana, tỹpokase sã toto ehtohme tãkye rokẽ aehtohkõme, yrome Ritonõpo omipona pyra exiketõ nono tonorẽ po rokẽ exĩko mã toto.

Izaja 54:1

Jerusarẽ, nohpo emũkuapitopỹ sã mexiase, yrome seromaroro oeremiako, okohtako ãtãkyemaryme, ynara ãko Ritonõpo exiryke: “Mose nohpo, inio nurumekahpyry tuhkehxo emũkuãko mana, tynioke exikety motye.”

Numeru 5:28

Yrome imehnõ poko exipitopyra ynororo ahtao jetũ pyra exĩko mana. Poetoẽme exĩko ro mana.

Karaxia 4:27

Ynara ãko Ritonõpo omiry: “Kuku, emũkuapitopyra mase repe. Yrome tãkye exiko. Poetoẽme exipitopyra mase repe. Yrome tãkye exiko. Onio nurumekahpyryme mase repe. Yrome tumũkue exiketyme exĩko mase tuhke. Tynio maro exikehpyra exikety motye emũkuãko mase. Naeroro tuhke opoenõ emamyryke tãkye exiko,” tykase Ritonõpo. Moro tymerose Izaja a pake.

1 Samueu 2:5

Tuesapare exiketõ mã omise exĩko ropa, toerohtoh zupĩko toh mana tonahsẽ epekahtohme ropa. Yrome omise aexityã omise pyra ropa exĩko. Emũkuasaromepyra exikety toemũkuase setime, yrome mokyro, tumũkue tuhke exikety tumũkue pyra toehse ropa mana.