Saumu 113:4 - Ritonõpo Omiry: A Bíblia Sagrada na língua Aparai do Brasil

⁴ Imeimehnõ nonory põkõ emero esẽme Ritonõpo mana; tuisamehxo aexiry kapu tõ epoe mana.

Saumu 113:4 ပူးပေါင်းရင်းမြစ်များ

1 Tuisa 8:27

— Yrome otãto exĩko mah, Ritonõpo, yna maro sero nono po? Onyrityã maro? Kapu tytororo opune pyra mana. Otãto sero tapyi, ynyrihpyry opune exĩko nae?

Saumu 148:13

Ah Ritonõpo Kuesẽkõ eahmã toto emero porehme, imehnõ ritõ tõ motye imehxo aexiryke! Tynyrityã motye imehxo mana sero nono po kapu ao roropa, morohne motye saeremehxo mana.

Saumu 8:1

Ritonõpo yna Esemy, imehxo oehtoh tõsenepose sero nono poro porehme! Oeahmãko mã toto kapu etyhpyry pona,

Saumu 97:9

Ritonõpo Imehxo Exikety, erohnõko mase sero nono esẽme ehtoh poko porehme, emero ritõ tõ motye tuisamehxo mase.

Saumu 99:2

Kuesẽkõ jamihmehxo mana Jerusarẽ po; ahno tõ emero esẽme mana.

Izaja 40:15

Ritonõpo a ahno tõ emero sero nono po toiro tuna pitahkatoh sã mã toto poketi ao, putoh katoh sã rokẽ mã toto omoxinety kuhtoh po; ahmõta tõ moe aexityã puimãko mana, yrome eya isawã pisarara puimary samo.

Izaja 40:17

Ritonõpo a ahno tõ emero sero nono po arypyra sã mana; Ritonõpo ẽpataka typahsãme sã rokẽ mã toto.

Izaja 40:22

Ritonõpo mokyro exikety mã tapõ po iporotyhpyry sero nono epoe, ahno enẽko mana pisarara, maikuato samo. Ynororo mokyro kapu rihpono; kamisa samo kapu tytywyhmase eya, tapyi sã roropa tyrise eya, moro tao toehtohme.

Izaja 66:1

Ynara ãko Ritonõpo mana: “Kapu jesaryme mana, japõme mana; sero nono upupuru apõme mana. Oty amõko matou ytapyĩme? Otãto ytapyĩ rĩko matou moro tao jehtohme?