Saumu 113:3 - Ritonõpo Omiry: A Bíblia Sagrada na língua Aparai do Brasil

³ Ẽmepyry poe ikohmamyry pona ah Ritonõpo toahmasẽme nexino!

Saumu 113:3 ပူးပေါင်းရင်းမြစ်များ

Saumu 18:3

Ritonõpo kohmãko ywy jakorehmatohme; ypynanohnõko mana yporemãkara jepetõkara ehtohme. Kuesẽkõ seahmatone!

Saumu 48:10

Ritonõpo, oeahmãko ahno tõ mana emero nono po, oesety waro onyrityã roropa imeimehnõ nonory po porehme. Zae rokẽ tuisame mase;

Saumu 50:1

Ritonõpo, Jamihmehxo Exikety, Kuesẽkomo, oturũko mana; sero nono põkõ kohmãko xixi tũtatoh wino aomõtoh pona.

Saumu 72:11

Tuisa tõ emero tosekumurukõ po porohnõko mã toto mokyro ẽpataka, imeimehnõ nonory põkõ emero aomiry omipona exĩko.

Saumu 86:9

Emero ahno onyrityã oehnõko, tosekumuru po porohnõko mã toto oẽpataka; imehxo oehtoh eahmãko mã toto

Izaja 24:16

Imeimehnõ nonory põkomo moehxo esarykõ exiketomo, aeremiatohkõ etãko sytatose Ritonõpo zae Exikety eahmary poko. Yrome ynara tykase ywy: “Popyra ehtoh rokẽ oehnõko ya, myhene! Typoremãse ywy, tapotũkehse! Mokaro onekunohtõkõ ewokãko ro mã toto; ajohpe aexirykõ popyrahxo exĩko mana.”

Izaja 49:13

Kapu tomo, oeremiatoko! Nono tomo, atãkyematoko! Ypy tomo, okohtatoko tãkye oehtohkõke! Typoetory tõ emuhkehkapõko Ritonõpo mana; typoetory tõ etuarimaketõ pynanohnõko mana.

Izaja 59:19

Ahno emero, xixi tũtatoh wino xixi omõtoh pona Kuesẽkõ zuno exĩko mã toto, ijamitunuru roropa. Ynara exiryke: tuna zueme exikety sã oehnõko mana tyryrykane jamihme exikety a taropose ahtao.

Apakuke 2:14

Sero nono pehme exĩko mana, imehxo Ritonõpo ehtoh waro ahno ehtoh ke, tuna konõto pehme ehtoh samo zueme ahtao.

Marakia 1:11

Imeimehnõ nonory po emero, jeahmãko mã toto. Emero rokẽ po ixtaratu zahkãko imehxo jehtoh ekaroryme, tokykõ kurã ekarõko mã toto tynekarorykõme ya. Emero Tuisamehxo jekarõko mã toto.

Apokaripxi 11:15

Mame imepỹ Ritonõpo nenyokyhpyry rue etone, etyhpyrymano. Mame omi opore exiketõ etase kapu ao. Ynara nase toto: — Seromaroro Kuesẽkõ sero nono esẽme toehse rahkene tynymenekahpyry maro. Tuisame exikehpyra mana jũme, nase toto.