Saumu 11:2 - Ritonõpo Omiry: A Bíblia Sagrada na língua Aparai do Brasil

² popyra exiketomo a taky tõ tapoise exiryke tõtonẽtohkõ tao, typyrekõ tanỹse eya xine zae ehtoh poko exiketõ wory eraximãko mã toto.

Saumu 11:2 ပူးပေါင်းရင်းမြစ်များ

Saumu 10:2

Popyra exiketõ epyrypãko mã toto, tymõkomokãkara tuarimapõko mã toto. Apoiko toto, Ritonõpo, ahno apoitoh aka, inyrihpyrykõ aka.

Saumu 125:4

Ritonõpo, kure rokẽ opoetory tõ tyriko, zae exiketomo, õmiry omipona exiketomo!

Saumu 142:3

Tapotũkehse ukurohtao jahtao, zae ynyriry waro mana. Zae ehtoh poko torẽnase ywy repe, yrome jesemary ao ahno apoitoh tonẽse jepetõkara a japoitohme.

Saumu 21:12

Pyrou tõ ekomãko mana toto pona, toto erehtohme eramatohme epatohme.

Saumu 32:11

Tãkye ehtoko emero zae ehtoh poko exiketomo, Ritonõpo nyrihpyry poko atãkyematoko! Eremiatoko tãkye rahkene, amarokõ emero aomiry omipona exiketomo!

Saumu 37:14

Popyra exiketõ typyrekõ apoĩko mã toto: tapema tomo, taky tõ maro, tymõkomokãkara etapatohme, etuarimaketõ maro, zae ehtoh poko exiketõ roropa etapatohme.

Saumu 64:10

Zae ehtoh poko exiketõ atãkyemãko mã toto Ritonõpo nyrityã poko; imaro osewomãko mã toto. Emero aomiry omipona exiketõ Ritonõpo eahmãko mã toto.

Saumu 7:10

Ritonõpo, kuewomako osewomatoh samo; ajohpe pyra nymyry exiketõ ipynanohko.

Saumu 7:12

Tyyrypyrykõ rumekary se pyra toto ahtao, tytapemã aehtõko Ritonõpo mana. Tytakỹ toaryhtose eya pyrou tõ ekomatohme.

Saumu 94:15

Zae ehtoh poko exĩko ropa mã toto apiakatoh tao. Mame kure ehtoh poko exiketõ emero moro zae ehtoh sehxo exĩko mã toto.

Saumu 97:11

Saerehkatoh saereh ãko mana zae ehtoh poko exiketõ pona, tãkye ehtoh saereh ãko sã mana Ritonõpo omiry omipona exiketõ pona.

Jeremia 9:3

Tahxime ajohpe oturũko mã toto imehnomo a. Ajohpe rokẽ mã toto sero nono po, zae ehtoh poko pyra mã toto. Ynara ãko Kuesẽkõ mana: “Ypoetory tõ popyra ehtoh poko exikehpyra mã toto, Ritonõpome jenetupuhpyra mã toto.”

Mateu 26:4

Mame tãtamorepase toto Jezu apoiry poko tyya xine. Tokare pyra Jezu apoiry se toh kynexine repe, etapapotohme tyya xine.

1 Samueu 18:21

Tõsenetupuhse ynororo: — Jẽxiry ekarõko ase Tawi pytyme aehtohme. Mame jakorehmãko mã ynororo mokyro etapapotohme pirixteu tomo a, tykase Sauu. Morara exiryke ynara tykase ropa Sauu Tawi a: — Ypaniryme exĩko mase.

1 Samueu 23:9

Mame tuaro Tawi toehse ahtao, tapoiry se Sauu ehtoh poko, tõturuse Apiataa maro. Ynara tykase ynororo eya: — Oupõ enehta, Ritonõpo maro oturutohme, tykase.