Saumu 101:3 - Ritonõpo Omiry: A Bíblia Sagrada na língua Aparai do Brasil

³ moro taka popyra ehtoh onẽmapopyra ase ipunaka. Ritonõpo rumekary se exiketõ nyriry se pyra ase yronymyryme, mokaro rypyry poko se pyra roropa ase.

Saumu 101:3 ပူးပေါင်းရင်းမြစ်များ

Jo 31:1

“Jomihpyry etapoase ya ro imepỹ nohpo onenepyra jehtohme ipoko ipenetaryino.

Saumu 119:113

Ajohpe exiketõ se pyra ase ipunaka, yrome õmihpyry sehxo ase.

Saumu 119:37

Josenetupuh anakorekehkanopyra exiko popyra ehtoh poko; kure rokẽ kyriko õmihpyry ae ro.

Saumu 125:5

Yrome popyra exiketõ wãnopyryhtao oya, mokaro roropa zuãnohko, onyripohpyry rumekahpõkomo, õmiry omipona pyra aexityamo. Izyraeu tõ ewomako, osepeme tyriko ropa toto!

Saumu 139:22

Toto zehno ywy yronymyryme; jepeme pyra mã toto.

Saumu 14:3

Mame tamonohse toto a emero, zae ehtoh esemary. Oxisã mã toto popyra ipunaka, tymotase samo. Zae ehtoh poko exiketõ pyra mana, toiro zae exikety pyra mana ipunaka.

Saumu 36:3

Mokyro otururu popyra mana, ajohpe itamurume mana; tuaro nymyry pyra mana, zae ehtoh riry se pyra roropa mana.

Saumu 39:1

Ynara tykase ywy: “Tomeseke exĩko ase ynyriry poko, jotururu poko roropa iirypyryme pyra jehtohme. Popyra exiketõ upũto ahtao oturupyra exĩko ase.”

Saumu 40:4

Tãkye exiketõ mokaro Kuesẽkõ enetupuhnanomo, eramara roropa mã toto imehnõ neponãmarykõ pokona. Oximõpyra roropa mã toto mokaro maro imehnõ neponãmarykõ poko exiketõ maro.

Saumu 41:9

Jepe kurã roropa, zae exiketyme ekaroase, ymaro otuhkety, mokyro jewokaneme toehse.

Saumu 78:41

Tuhke rokẽ tukuhse ynororo eya xine, tãkye pyra Ritonõpo, Izyraeu tõ Esẽ Kurã, tyripose eya xine.

Saumu 78:57

toeramase toh kynexine ewinoino, tyryhpopãkase ynororo eya xine tumykõ ehtopõpyry saaro, pyrou nyetokyry samo popyra taky ahtao.

Saumu 97:10

Opyno xine Ritonõpo Kuesẽkõ mana popyra ehtoh se pyra awahtao xine; oewomãko mana orihpyra oehtohme, opynanohnõko mana popyra exiketõ winoino.

Exutu 20:17

— Imepỹ tapyĩ poko penetara ehtoko. Ipyty poko penetara ehtoko. Ipoetory tõ poko penetara ehtoko. Eky tõ poko penetara ehtoko, pui tomo te, jumẽtu tomo te, imõkomory tõkehko poko roropa, enara.

Exutu 32:8

Toeramase ropa mã toto jesemary poe, ynyripohpyry omipona pyra toehse mã toto. Pui mũkuru panõ tyrise eya xine, uuru risemy, eahmatohme, ẽpataka tynekarorykõ zahkatohme. Tyrihpõkõme pui panõ uuru risẽ ekarõko mã toto, typynanohnekõme, Ejitu poe tonepyhpõkõme.

Porowepio 6:12

Orutua kõ zae pyra exiketõ, ajohpe ehtoh poko rokẽ mã toto.

Porowepio 6:13

Pimyhpimyhãko mã toto, tomary ke tupupuru ke roropa omiãko mã ynaroro imehnõ enekunohtohme.

Porowepio 6:25

Oryxime aexiry poko penetara exiko okurohtao, apoitoh taka epukara exiko enuru oeahmary ke, ẽpihpyry okohmaryke roropa.

Porowepio 8:13

Ritonõpo omipona awahtao popyra ehtoh se pyra mase. Oepyrypary se pyra ase ipunaka te, imehnõ motye kure osekarory roropa, popyra ehtoh poko se pyra roropa ase te, omi ajohpe ehtoh se pyra ase, enara.

Ekereziaxti 6:9

Moro toiparo rokẽ mana. Tururume ytokety sã mana tyryrykane apoise. Kurehxo mana tãkye toehse tahtao tykyryry poko, kure hkopyra mana itamurumehxo se exikehpyra tahtao.

Izaja 30:11

Otũtatoko yna esemary ae! Yna anakorekehkara exiko! Yna onuruzomopyra ropa ehtoko Ritonõpo kurã, Izyraeu tõ Esẽ poko,’ ãko mã toto!”

Izaja 33:15

Osewomãko mana zae ehtoh poko rokẽ ahtao te, ajohpe pyra tõmiry ahtao roropa, epehpyryje onepehmapopyra ahtao jamihme pyra exiketomo a te, tineru anapoipyra ahtao zae pyra toehtamitume, oximõpyra tahtao imehnõ etapary se exiketõ maro, ỹme pyra tahtao zae pyra exiketõ maro.

Jeremia 22:17

Yrome omoro ise oehtoh rokẽ enẽko mase, openetatoh poko mase. Ahno kurã etapãko mase, oekyry tõ ryhmãko mase jamihme oexiryke.

Mikeja 2:2

Imepỹ tapyĩ poko penetaryhtao, imepỹ nonory poko roropa, moro apoĩko mã toto. Imehnõ ryhmãko mã toto, imõkomory apoĩko jekyry tõ zuno pyra toexirykõke.

Zakaria 8:17

Osenetupuhpyra ehtoko okurohtao xine imehnõ ryhmary poko oya xine. Ajohpe õmirykõ onetapopyra ehtoko, Ywy, Ritonõpo morohne se pyra jexiryke ipunaka.

Mateu 5:28

Yrome ynara ãko ase oya xine, nohpo eneryhtao oya xine, ipoko openetarykohtao, pake iirypyryme toehse matose imaro se toehse oexirykõke okurohtao xine. Popyra moro Ritonõpo a mana.

Romanos 12:9

Ajohpe pyra ehtoko imehnõ pyno oexirykõ poko. Oorypyrykõ zehno ehtoko. Zae se rokẽ ehtoko.

Karaxia 4:9

Seromaroro Ritonõpo waro toehse matose. Awaro xine roropa Ritonõpo mana. Oty katoh irumekary se ropa matou? Oty katoh imepỹ ritõ tõ xihpyry eahmary se matohu? Oty katoh toto namotome oexirykõ se ropa matohu?

Teuteronomiu 13:17

Ritonõpo omi poe enahkapohpyry onukurãkara ehtoko okyryrykõme. Moro sã awahtao xine tohne exikehnõko Ritonõpo mana, opyno xine exĩko mana. Tõmihpyry ae ro tõturutopõpyry ae ro kytamurukomo a amarokõ oemãkapotorỹko mana tuhke oehtohkõme.

Teuteronomiu 15:9

Moro toehse ahtao ameke pyra jeimamyry 7mã ahtao, tineru poko tynepehmake ehtoh otyhkatoh zano ehtoh po ahtao, otarame mokyro akorehmary se pyra okurohtao xine. Moro sã õsenetuputyrykõ popyra exiry mana, moro õsenetuputyrykõ ekarotoko Ritonõpo a ikorokatohme. Izyraeume exikety akorehmatoko rahkene. Anakorehmara awahtao, Ritonõpo a kohtãko mokyro mana ohxirotohme, iirypyryme oexiryke tuãnohsẽme exĩko mase.

Epereu 10:39

Imehnõ mã Kuesẽkõ rumekãko mã toto. Osenahkãko toh mana. Mãpyra enetuputyryke kyya xine typynanohse sytatose Ritonõpo a. Kuarotorỹko roropa mana tymaro kuehtohkõme.

Jozue 23:6

Naeroro tomeseke ehtoko Moeze nymerohpyry omipona oehtohkõme yronymyryme. Inyripohpyry oya xine toiro pitiko onurumekara ehtoko, aomipona ehtoko emero porehme

2 Peturu 2:21

Zae omi waro pyra ahtao, pitiko rokẽ etuarimary toto tynyrihpyrykõ epehpyryme, toorihse tahtao xine, zuaro pyra exiryke repe. Yrome omi kurã waro toehse mokaro, totase toto a exiryke. Axĩtao rokẽ Ritonõpo omipona toehse toto. Mame turumekase ropa eya xine. Turumekase ropa exiryke itamurume toto wãnohnõko Ritonõpo mana toorihse toto ahtao. Tõmipona pyra toehse toto exiryke toto wãnohnõko Ritonõpo mana.

1 João 2:19

Mokaro Jezu poetory nymyry kara toh kynexine. Morara exiryke turumekase eya xine kymarokomo. Jezu poetoryme nymyry toto ahtao, kymaro xine ro toh exiry. Yrome kurumekatone toto, zuaro kuehtohkõme, Jezu poetoryme pyra toto exiry waro kuehtohkõme.

1 Samueu 15:11

— Typenekehse ase ypoetory tõ esẽme Sauu ehtoh poko. Jurumekase ynororo, ynyripohpyry eya omipona pyra toehse, tykase Ritonõpo. Mame morara kary etaryke tyya toemynyhmase Samueu yronymyryme. Sauu poko tõturuse ynororo Ritonõpo a, Izyraeu tõ Esemy a opore, ẽmepyry pona.