Ruti 4:15 - Ritonõpo Omiry: A Bíblia Sagrada na língua Aparai do Brasil

¹⁵ Mose pokoino atãkyemãko mase Ritonõpo poe, kunumuxime toehse awahtao opynanohnõko mana. Apary eny opyno mana; 7me omũkuru tõ motye kurehxo mã oya.

Ruti 4:15 ပူးပေါင်းရင်းမြစ်များ

Jenexi 45:11

Tonahsẽ pyra ro exĩko mana 5me jeimamyry pona. Kosẽ po awahtao tonahsẽ ekarõko ase oya xine; atapyĩ taõkomo a te, oeky tomo a, enara. Morara ahtao etuarimara matose.’ ”

Jenexi 47:12

Tonahsẽ tokarose Joze a tumy a te, turui tomo a, tyekyry tomo a emero, ise toto ehtoh tokarose eya.

Saumu 55:22

Torẽtyke oehtohkõ ekaroko Ritonõpo a, mame ãkorehmãko mana. Tõmihpyry omipona exiketõ onyporemãkapopyra mana.

Porowepio 18:24

Toitoine osepeme ehtoh okyna hkopyra mana, yrome epeme nymyry ahtao amonohkara mana atakorõme ehtoh motye.

Izaja 46:4

Ywy Ritonõpo Oesẽkõme ase, opyno xine exikehpyra ase tamuhpõme oehtohkõ pona, oũsetykõ karimutume ehtoh pona. Kyriatose, aarotorỹko ase; ãkorehmatorỹko ase opynanohtorỹko ase roropa.

Ruti 4:16

Moky poeto pitiko tapoise Noemi a. Tonaka tyrise eya eahmatohme.

1 Samueu 1:8

Mame inio tõturupose: — Ana, oty katoh xitãko mah? Oty katoh otuhpyra hma? Emynyhmãko mase oty katohme? Ywy ase poeto 10me ehtoh motye oya, tykase Eukana typyty a.

1 Samueu 2:5

Tuesapare exiketõ mã omise exĩko ropa, toerohtoh zupĩko toh mana tonahsẽ epekahtohme ropa. Yrome omise aexityã omise pyra ropa exĩko. Emũkuasaromepyra exikety toemũkuase setime, yrome mokyro, tumũkue tuhke exikety tumũkue pyra toehse ropa mana.