Ruti 4:13 - Ritonõpo Omiry: A Bíblia Sagrada na língua Aparai do Brasil

¹³ Naeroro Ruti tarose Poaze a tytapyĩ taka, typytyme ehtohme. Kure tyrise toto Ritonõpo a, poetoẽme toehse Ruti, toemũkuase orutuame.

Ruti 4:13 ပူးပေါင်းရင်းမြစ်များ

Jenexi 20:17

Morara toehse Sara exiryke, Aparão pyty, tyrohsẽ tonehpose Ritonõpo a Apimereke tapyĩ taõkõ pona. Nohpo tõ emero emũkuasaromepyra tyripose toto Ritonõpo a. Mame Aparão tõturuse Ritonõpo a Apimereke tõ poko, tukurãkase ropa toto Ritonõpo a, Apimereke te, ipyty te, ipoetory tõ maro emero, toto emũkuatohme ropa.

Jenexi 25:21

Mame emũkuasaromepyra Repeka kynexine, naeroro tõturuse Izake Ritonõpo a typyty poko. Aomiry totase Ritonõpo a, mame poetoẽme toehse ynororo.

Jenexi 29:31

Reia se hkopyra Jako ehtoh tonese Ritonõpo a. Naeroro Reia takorehmase Ritonõpo a aemũkuatohme. Yrome Rakeu tumũkue pyra tyripose Ritonõpo a.

Jenexi 30:2

Morara kary etaryke tyya tohne toehse Jako, Rakeu zehno. Ynara tykase ynororo eya: — Ritonõpome jekarõko mah? Ynoro rokẽ omũkuapopyra mana.

Jenexi 33:5

Mame tomye tõsenuhmase Ezau ahtao, nohpo tõ eneryke tyya ipoenõ maro tõturupose ynororo: — Onokãkõ moxiamo amaro exiketomo? tykase Ezau. — Umũkuru tõ moxiamo Ritonõpo nekarohpyry opoetory a, tykase Jako.

Saumu 113:9

Nohpo, emũkuapỹ ãkyemapõko mana imehxo tytapyĩ tao, tãkye mokyro ripõko mana, imũkuru tõ ekarõko eya mana. “Kure mase, Ritonõpo,” kahtoko!

Saumu 127:3

Omũkurukõ Kuesẽkõ nekaroryme mã toto; inekarory kurãme mã oya xine toto.

Ruti 3:11

Seromaroro, orymo, enaromyra exiko. Sero pata põkõ zae oexiry waro mã toto emero. Ise oehtoh rĩko ase emero porehme.

Ruti 4:12

Omũkurukõ tuhke ekaropory se Ritonõpo a ynanase, Pereze poenõ ekarotopõpyry samo, Juta mũkuru Tamara maro!, tykase toto.

1 Samueu 1:27

Mose poeto ekaropoase Ritonõpo a. Mame jotururu totase eya. Ynekaropohpyry tokarose ya umũkurume.

1 Samueu 2:5

Tuesapare exiketõ mã omise exĩko ropa, toerohtoh zupĩko toh mana tonahsẽ epekahtohme ropa. Yrome omise aexityã omise pyra ropa exĩko. Emũkuasaromepyra exikety toemũkuase setime, yrome mokyro, tumũkue tuhke exikety tumũkue pyra toehse ropa mana.