Ruti 3:2 - Ritonõpo Omiry: A Bíblia Sagrada na língua Aparai do Brasil

² Wenikehpyra hma mokyro Poaze poko; aomi poe ipoetory tõ maro erohnõko mexiase, kuekyryme mana. Etako pahne! Seroae koko sewata apõko mana.

Ruti 3:2 ပူးပေါင်းရင်းမြစ်များ

Jenexi 50:10

Toeporehkase toto ahtao Atate pona, tuna Joatão poe xixi tũtatoh wino tiriiku poko erohtoh pona, tyxitase toto, ihnamõko okynahxo. 7me ẽmepyry taropose Joze a moroto tumy hnamory poko.

Ruti 2:1

Tyekye kynexine Noemi, esety Poaze. Tymõkomoke kynexine ynororo, tupito tõ esẽme roropa. Oxiekyryme kynexine Erimereke ekepyry maro, Noemi nio.

Ruti 2:8

Mame ynara tykase Poaze Ruti a: — Etako ke, orymo. Imehnõ tupi pona ytopyra exiko. Taro rokẽ otytyko ipohko utupi poko erohketõ pũto.

Ruti 3:1

Moromeĩpo ynara tykase Noemi Ruti a: — Orymo, orutua menekary se ase oniome, tytapyĩke oehtohme typoenõke, enara.

Ruti 3:3

Naeroro ekurãkako: epyko, atahpako ixtaratu ke, upo kurã amuruko. Imeĩpo ytoko Poaze erohtoh pona, yrome osenepopyra exiko eya otuhkehpyra ro ahtao, eukuru onẽpyra roropa ahtao.