Ruti 1:6 - Ritonõpo Omiry: A Bíblia Sagrada na língua Aparai do Brasil

⁶ Morararo ynara katoh totase Noemi a: Izyraeu tõ typynanohse ropa Ritonõpo a, katoh totase. Tiriiku tõkehko itamurume toehse ropa. Naeroro moro etaryke tãtakimapitose ynororo toytotohme ropa Moape tõ nonory poe, typary enỹpyry tõ maro.

Ruti 1:6 ပူးပေါင်းရင်းမြစ်များ

Jenexi 21:1

Mame tõmihpyry ae ro kure rokẽ Sara tyrise Ritonõpo a.

Jenexi 28:20

Moroto tõturuse Jako Ritonõpo a. Ynara tykase ynororo: — Ymaro exikehpyra awahtao, jewomaryhtao oya jesemary ae jytoryhtao, tonahsẽ ekaroryhtao ya, upo roropa,

Jenexi 48:15

Morarame kure rokẽ Joze tyripose eya Ritonõpo a. Ynara tykase ynororo: “Ritonõpo, tam Aparão Esemy, papa Izake Esẽ roropa, kure rokẽ moxiã aimo tõ tyriko. Jesemary eneponeme mase, Ritonõpo, moe poetome jehtopõpyry poe tarona tamuhpõme jehtoh pona ro.

Jenexi 50:25

Mame toto omiry tokaropose Joze a, tyekyry tomo a, ynara tykase: — Ynara enetupuhnõko ase, Ritonõpo ãkorehmatorỹko mana, oytotohkõme taroino. Morara toehse ahtao jekepyry arotoko amaro xine.

Saumu 102:14

Ipyno opoetory tõ mana, moro pata tonahkase ahtao ro; ipoko aenupunaryke osenetupuhnõko mã toto typahse nono pona ahtao ro.

Saumu 111:5

Tonahsẽ ekarõko mana tõmiry omipona exiketomo a, wenikehpyra roropa mana jũme tynetapohpyry poko kyya xine.

Saumu 132:15

Jerusarẽ põkomo a ise toto ehtoh ekarõko ase pitiko rokẽ pyra; tymõkomokãkara a tonahsã ekarõko ase tãkye toto ehtohme.

Saumu 145:15

Isene exiketõ emero enẽko mã toto, ewino tynapyrykõ eraximãko mã toto, inapyrykõ ekarõko eya xine mana ise toto ahtao.

Saumu 146:7

tyrohmanohpose exiketõ ewomãko mana, omise exiketomo a tonahsẽ ekarõko mana. Ãpuruhpyry taõkõ tũtanohpõko ropa Ritonõpo Kuesẽkõ mana,

Saumu 147:14

Ononory ehpiry ewomãko mana, ozehno xine pyra imehnõ ehtohme, tonahsẽ kurã ekarõko oya xine mana tãkye oehtohkõme.

Exutu 3:16

— Ytoko, Izyraeu tõ tamuximãkõ oximõme enehpoko. Zuruko toto ypoko. Ynara kaxiko eya xine: “Ritonõpo, atamuru tõ Esemy, Aparão Esemy te, Izake Esemy te, Jako Esẽ roropa nosenepoase ya. Ynara nase ya ourutohkõme: ‘Oetuarimarykõ tonese ya. Oryhmarykõ poko Ejitu põkomo a zuaro ase.

Exutu 4:31

Tonetupuhse eya xine. Mame tuaro toehse toto ahtao Ritonõpo oepyry poko tyya xine toetuarimarykõ eneryke eya, toepuise toto Ritonõpo eahmaryme eya xine.

Porowepio 30:8

Ajohpe pyra kyripoko te, tymõkomoke itamurume jyripyra exiko, tymõkomoke pyra jyripyra roropa exiko. Tonahsẽ ipune ehtoh rokẽ ekaroko ya isene jehtohme.

Izaja 55:10

Konopo sã jomiry mana axitaku sã roropa. Oehnõko mã kehko kaino kapu poe sero nono ehxikatohme, otyro tõkehko ahtanohpõko mã kehko, aekutatohme, ipuhturu exitohme arykatohme tonahsẽ ekarotohme roropa ahno a.

Jeremia 29:10

“Ritonõpo Kuesẽkõ tõturuse ro, ynara tykase: ‘Imeĩpo 70me jeimamyry taropose oya xine ahtao Papironia po opyno xine jehtoh enepõko ropa ase oya xine. Mame jomihpyry ae ro oenehtorỹko ropa ase ononorykõ pona ropa.

Joeu 2:19

Tozuhse toto eya, ynara tykase: “Seromaroro tykyrysã ekarõko ase oya xine, tiriiku tõkehko, uwa eukuru te, azeite roropa; otuhnõko matose, tuesapare exĩko. Taroino opoihtopopyra xine exĩko ase imehnõ ahno tomo a, jũme.

Sowonia 2:7

Juta tõ akoĩpyry, orihpyra exiketõ osesarĩko mã toto moro nono po, tuna konõto ehpio po. Moroto toky tõ pyno exĩko mã toto, Axikerõ põkõ tapyĩ tao nyhnõko mã toto. Ynara exiryke, typoetory tõ poko wenikehpyra exĩko Ritonõpo mana, toto maro exĩko ropa mana toto emãkapotohme ropa.

Mateu 6:11

Seroae yna zoty ekaroko yna a.

Ruka 1:68

— “Kure mase,” sykatone Ritonõpo a. “Yna esẽme mase, Izyraeu esẽme!” sykatone eya. Typoetory tõ akorehmatohme tooehse ynororo iirypyrykõ korokatohme, toto myhpokatohme ropa samo.

Ruka 19:44

Tuhke ozehnotokõ exĩko mana õmye xine. Oryhmatorỹko mã toto. Oesaõkõ ryhmãko roropa mã toto emero porehme atapyĩ taõkõ maro. Oesarykõ pahnõko mã toto. Topu risẽme tapyi ahtao, topu pahnõko roropa mã toto. Oya xine jenehpoase Ritonõpo repe, typoko ourutohkõme repe. Yrome yse pyra matose. Morara exiryke oryhmatorỹko mã toto. Osepynanohpyra matose emero porehme, tykase Jezu Jerusarẽ põkõ poko.

1 Timoteu 6:8

Naeroro tohke kuahtao xine, tymetyke kuahtao xine roropa tãkye sehtone.

1 Peturu 2:12

Jezu waro pyra exiketõ okerekeremarykõ se ipunaka. “Tyyrypyrykõ poko ro Jezu enetupuhnanõ mana,” ãko mã toto ajohpe. Morara exiryke zae rokẽ ehtoko ipunaka. Morarame, kure oexirykõ eneryke tyya xine: “Zae matose,” ãko rokẽ mã toto. Ohxiropyra xine ekurehnõko toh mana. Morarame: “Emero motye kure mase Ritonõpo,” ãko mã toto, aepyry ropa ahtao.

Ruti 1:5

toorihse Marõ te, Kiriõ roropa, enara. Noemi toiroro toehse, tynioke pyra, tumũkue pyra, enara.

Ruti 1:7

Toytopitose toh repe Juta tõ nonory pona ropa, yrome osema tao

1 Samueu 2:21

Mame Ana takorehmase ropa Ritonõpo a, toemũkuase ropa oseruao orutuame, asakoro nohpo tomo, enara. Mame Samueu tuãtase. Ritonõpo maro Oturutoh tao erohketyme toehse.