Ruti 1:20 - Ritonõpo Omiry: A Bíblia Sagrada na língua Aparai do Brasil

²⁰ Yrome ynara tykase Noemi eya xine: — Jesehtopyra ehtoko Noemime, tãkye exiketyme. Itunetyme jesety ahtao zaehxo mana, tutuarimapose jexiryke Ritonõpo Jamihmehxo Exikety a, tykase.

Ruti 1:20 ပူးပေါင်းရင်းမြစ်များ

Jenexi 17:1

Morarame 99me jeimamyry taropose Aparã ahtao tõsenepose ropa Ritonõpo eya, ynara tykase ynororo eya: — Ywy ase Ritonõpo Jamihmehxo Exikety. Jomiry omipona exiko, zae ehtoh poko rokẽ exiko roropa.

Jenexi 43:14

Ritonõpo Jamihme Exikety amaro xine mana, ãkorehmatorỹko mokyro opyno xine ehtohme, oruikõ enehpotohme ropa Pẽjamĩ maro tapyi taka ropa. Otara ãko ywy? Ypoenõ tonahse ahtao? Toto onewomasaromepyra ase.

Jo 11:7

“Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Jo 19:6

“Tuaro ehtoko zae pyra Ritonõpo toehse ypoko. Ahno apoitoh tyrise eya japoitohme.

Jo 5:17

“Tãkye mokyro mana, tukurãkase exikety Ritonõpo a! Naeroro tohne pyra exiko tuãnohse awahtao Ritonõpo Jamihmehxo Exikety a.

Jo 6:4

Ritonõpo Jamihmehxo Exikety pyre ke tuose ywy, opi orihmatõ ke topinohse toto. Juzenu aka moro opi omõnõko mana. Tõsetaparyke ymaro tonaroximase ywy Ritonõpo a.

Jo 9:18

Joseremanohpopyra mana. Sam kakehpyra ase isene ro jahtao.

Saumu 73:14

Ritonõpo, opoe sam kary poko kohmãnõko ase. Kokoro rokẽ ẽmepyry ae tuãnohse ywy oya.

Saumu 88:15

Poetome jehtopõpyry poe toetuarimase ywy, jorikyry ameke pyra nexiase; tapotũkehse ywy, omoxĩ sã juãnohtoh oya mana.

Exutu 15:23

Toeporehkase toto Mara pona. Yrome moro tuna onẽsaromepyra toh kynexine, itũ exiryke. Morara exiryke moro esety Mara kynexine.

Exutu 6:3

Osenepoase Aparão a te, Izake a te, Jako a roropa Ritonõpo Jamihmehxo Exiketyme. Yrome jesety kurã Oesẽkõme onekaropyra exine eya xine.

Izaja 38:13

Koko kui kary poko tõmehse ywy jetũ jexiryke, yzehpyry akuhmory sã reão a nexiase. Saereme ahtao, koko roropa jorihmanohpõko Ritonõpo mana, moro sã ekaroase repe.

Epereu 12:11

Kumykomo a tutuarimanohpose kuahtao xine zomory zuaro kuehtohkõme tãkye pyra sã sytatose, emynyhmãko, jetũ exiryke. Yrome imeĩpo tymoise kyya xine ahtao torẽtyke pyra exĩko sytatose, kuetuarimatamitukõme, zae kuexirykõ poko tamorepase kuexirykõke.

Apokaripxi 1:8

“Ywy ase Ame, Zme roropa. Apitorymãme, etyhpyrymãme, enara,” ãko Kuesẽkõ Ritonõpo mana. Emero tyriry waro exiketyme ynororo. “Ywy ase seromaroro. Pake exiase. Jũme exikehpyra ase roropa,” ãko mana.

Apokaripxi 21:22

Ritonõpo maro oturutoh pyra moro pata po nexiase Kuesẽkõ Ritonõpo moroto exiryke. Ime kuhse exikety ynororo, kaneru mũkuru sã exikety imaro roropa mana.