Ruti 1:2 - Ritonõpo Omiry: A Bíblia Sagrada na língua Aparai do Brasil

² Erimereke ekyry tõ patary Epyrata kynexine, Perẽ pũto, Juta nonory po. Imũkuru tõ kynexine Marõ te, Kiriõ, enara. Moape nonory pona toytose toto, moroto ehse, okynano.

Ruti 1:2 ပူးပေါင်းရင်းမြစ်များ

Jenexi 35:19

Moro sã toorihse Rakeu, ekepyry tonẽse Epyrata esemary ehpio. Imeĩpo Perẽme toehse moro pata.

Mikeja 5:2

Ynara ãko Ritonõpo mana: — Perẽ-Epyrata, pata pitiko mase Juta patary tõ rãnao, yrome owino Izyraeu tõ tuisary enehpõko ase, moino ro exiketyme mã ynororo, apitorymã poe.

Juize 17:7

Nuasemã kynexine pata Perẽ po, Juta nonory po. Rewi parỹpyryme kynexine.

Juize 3:30

Moro sã Moape tõ typoremãkase Izyraeu tomo a moro ẽmepyry ae. Moromeĩpo etonara Izyraeu tõ toehse 80me jeimamyry.

Ruti 1:3

Imeĩpo Erimereke toorihse ahtao, Noemi pytỹpome toehse; tumũkuru tõ asakoro exiketõ maro rokẽ toehse ynororo.

Ruti 1:5

toorihse Marõ te, Kiriõ roropa, enara. Noemi toiroro toehse, tynioke pyra, tumũkue pyra, enara.

Ruti 2:1

Tyekye kynexine Noemi, esety Poaze. Tymõkomoke kynexine ynororo, tupito tõ esẽme roropa. Oxiekyryme kynexine Erimereke ekepyry maro, Noemi nio.

Ruti 4:9

Mame ynara tykase Poaze tamuximãkomo a, imehnomo a roropa: — Seroae enenanõme matose: Noemi a Erimereke tupĩpyry tõ epekahno emero porehme, Kiriõ nynomohpyry te, Marõ nynomohpyry, enara.

1 Samueu 1:1

Orutua kynexine Eparaĩ põ paryme, esety Eukana. Ipatary Rama kynexine, ypy tõ rãnao kynexine Eparaĩ. Jeroão mũkurume kynexine, Eriu paryme roropa. Eriu Tou mũkurume kynexine, Zupe paryme roropa.

1 Samueu 17:12

Morarame Tawi nexiase Jese mũkuru, pata Epyrata pono, pata Perẽ pũto, Juta rãnaõ po. 8me tumũkue Jese nexiase. Tuisame Sauu ahtao tamuhpõme exiketyme Jese nexiase.

1 Samueu 17:21

Atakenaka ytõko Izyraeu tõ nexiase etonatoh pona pirixteu tõ etonie.