Ruti 1:17 - Ritonõpo Omiry: A Bíblia Sagrada na língua Aparai do Brasil

¹⁷ Otokohne oorikyryhtao, moroto roropa orihnõko ase. Moroto jekepyry zonẽnõko toh mana. Juãnohpory se ase Ritonõpo a orumekaryhtao ya jorihtoh ponãmero.

Ruti 1:17 ပူးပေါင်းရင်းမြစ်များ

2 Samueu 15:21

Yrome Itai a tozuhse. Ynara tykase ynororo: — Tuisa Tawi, ynara ãko ase oya Ritonõpo, isene Exikety netaryme: “Amaro ytõko ase, aza rokẽ oytoryhtao amaro ytokehpyra ase jorikyry ponãmero.”

2 Samueu 19:13

— Ynara kahtoko roropa Amasa a: “Wekyryme mase. Seromaroro orĩko ase soutatu tõ tuisaryme Joape myakãme. Ritonõpo a jetapary se ase moro onyripyra jahtao!” tykase.

2 Samueu 3:35

Mame tonahsẽ ekarory se toh nexiase Tawi a, otuhtohme kohmãpyra ahtao ro repe. Yrome otuhpyra nexiase. Ynara tykase ynororo: — Ritonõpo, kuetapako tonahsẽ enapyryhtao ya xixi omõpyra ro ahtao, tykase.

2 Samueu 3:9

Ynara tykase Ritonõpo Kuesẽkõ Tawi a: “Jomihpyry ae ro Sauu tõ tuisame pyra tyrĩko ase, Izyraeu tõ esẽme oehtohme, Tawi, Juta tõ esẽme roropa.” Naeroro kuetapako Ritonõpo, moro onyripyra jahtao Õmihpyry ae ro, tykase Apinea.

1 Tuisa 13:31

Mame tonẽkehse ahtao eya xine ynara tykase urutõ tumũkuru tomo a: — Toorihse jahtao, jekepyry zonẽtoko sero zonẽtoh tao mose ekepyry pũtokoxi.

1 Tuisa 19:2

Mame omi taropose nohpo a Eria a. Ynara tykase ynororo: — Jetapapory se hano ritõ komo a, kokoro serara ahtao oetapara jahtao, urutõ kõ etapatopõpyry sã oya, tykase.

1 Tuisa 2:23

Morarame tomiase Ritonõpo netaryme Saromão, ynara tykase: — Atonia onetapara jahtao Ritonõpo a juãnopyry se ase moro tokaropose exiryke eya.

1 Tuisa 20:10

Pẽ-Hatate poe omi taropose ropa: — Soutatu tõ enehnõko ase tuhke apatarykõ enahkase. Tomary ke apatarykõ nonory aroryhtao eya xine pata tonahsẽme exĩko mana. Jetapapory se ase ritõ tomo a, morara onyripyra jahtao, tykase.

2 Tuisa 6:31

— Kuetapako, Ritonõpo, Eriseu zupuhpyry onykohpopyra jahtao seroae ro, tykase tuisa tykohtase.

Saumu 45:10

Tuisa pytyme exikety, jomiry etako: “Oekyry tõ poko owenikehko, omy tapyĩ taõkomo.

Atos 11:23

Mame toeporehkase tahtao tãkye toehse ynororo mokaro eneryke tyya kure rokẽ tyrise toto exiryke Ritonõpo a. Morarame tõturuse imaro xine ynororo: — Mãsa rokẽ pyra Ritonõpo enetupuhtoko. Yronymyryme aomipona ehtoko, tykase ynororo eya xine.

Atos 20:24

Yrome oserehpyra sã rokẽ ase. Osepyno pyra ase, jorikyry zuno pyra. Toiro, jerohtoh otyhkary se rokẽ ase. Jezu Kyrixtu nyrohmanohpotopõpyry otyhkary se ase. Morara exiryke oturũko ase imehnõ maro Ritonõpo omiry poko, mokaro kurãkatohme Ritonõpo a, tyyrypyrykõ rumekaryhtao eya xine, Jezu enetuputyryhtao roropa eya xine.

Ruti 1:16

Yrome tozuhse ynororo Ruti a. Ynara tykase: — Orumekapopyra exiko ya. Amaro ytoxi. Oytotoh pona ytõko ase. Onymenekahpyry oesaryme, moroto osesarĩko ase amaro. Oekyry tõ wekyryme exĩko mã toto, Ritonõpo Oesemy, Jesẽme exĩko roropa mana.

Ruti 4:15

Mose pokoino atãkyemãko mase Ritonõpo poe, kunumuxime toehse awahtao opynanohnõko mana. Apary eny opyno mana; 7me omũkuru tõ motye kurehxo mã oya.

1 Samueu 14:44

Mame ynara tykase Sauu: — Kuetapako, Ritonõpo, umũkuru onetapara jahtao, tykase.

1 Samueu 20:13

Yrome oryhmary se papa ahtao, ourũko ropa ase. Aaropõko ase mya õsewomatohme. Morara ãko ase oya Ritonõpo netaryme. Mame Ritonõpo amaro ehtoh se ase, papa maro aehtopõpyry saaro.

1 Samueu 25:22

Seromaroro Napau tõ etapãko sytatose ipoetory tõ maro, orutua kõ ahtao emero enahkãko sytatose sero koko ẽmehpyra ahtao ro, tykase. ‘Kuãnohko, Ritonõpo, tokurehse jahtao,’ ” tykase.

1 Samueu 3:17

— Aimo, oty nykã Ritonõpo oya? Ekaroko emero. Awãnohnõko Ritonõpo mana onekaropyra awahtao, tykase.