Ruka 9:55 - Ritonõpo Omiry: A Bíblia Sagrada na língua Aparai do Brasil

⁵⁵ Mame toeramase Jezu toto ẽpataka. Toto zehno roropa toehse ynororo morara kary etaryke tyya. — Ritonõpo Zuzenu poe pyra matose morara ãko.

Ruka 9:55 ပူးပေါင်းရင်းမြစ်များ

Apokaripxi 3:19

Imehnõ pyno jahtao, toto zurũko ase. Zae pyra toto ahtao toto tuarimapõko roropa ase kure toto ehtohme. Naeroro yronymyryme oorypyrykõ irumekatoko.

1 Peturu 3:9

“Kurã rokẽ ekarõko ase oya xine,” tykase Ritonõpo kyya xine tymenekase kuahtao xine. Naeroro oryhmananõkõ onyryhmara ehtoko. Popỹ ke pohnõ onepehmara ehtoko. Okerekeremananõkõ onykerekeremara ehtoko. Kurã ke rokẽ epehmatoko toto.

Jo 26:4

Onoky a takorehmase mano õtururu poko, moro samo? Onoky zuzenu poe morohne poko ekarory waro mexino?”

Jo 2:10

Yrome Jo ynara tykase eya: — Õtururu ajoajohpã otururu sã mana. Ritonõpo nekarotyã kurã apoĩko sytase. Morararo etuarimatoh apoĩko roropa sytase Ritonõpo winoino, tykase Jo typyty a. Morara ahtao ro Ritonõpo onykerekeremara Jo nexiase. Tyyrypyry poko pyra roropa nexiase ipunaka.

Mateu 26:51

Mame Jezu marono a imepỹ tysahkase tytapemã ke. Ritonõpo maro oturuketõ tuisary namoto tysahkase eya. Ipanary rokẽ tysahkase eya.

Mateu 26:41

Nyhpyra ehtoko. Oturutoko Ritonõpo maro oenekunohpyra xine joroko tamuru ehtohme. Onykyrykõ se pyra matose repe. Yrome jamihme pyra matose, tykase Jezu eya xine.

Mateu 26:33

Ynara tykase Peturu Jezu a: — Orumekara ase jũme. Imehnõ orumekãko mã repe emero. Yrome ywy orumekara ase jorikyry ponãmero, tykase Peturu eya.

Mateu 16:23

Yrome toeramase Jezu Peturu a. Ynara tykase ynororo eya: — Mynyhme exiko! Joroko tamuru sã mase. Jakorekehkãko mase. Ãmoreme rokẽ morohne poko osenetupuhnõko mase ahnome oexiryke. Yrome Ritonõpo poe pyra õsenetupuhtoh mana, tykase Jezu Peturu a.

Jeremia 17:9

“Kukurohtao xine iirypyryme sytatose ipunaka. Imehnõ enekunohnõko sytatose. Kuosenetupuhtohkõ waro pyra imehnõ mana. Onukurãkasaromepyra sytatose popyra exiryke ipunaka.

Porowepio 9:8

Kure rokẽ osekarokety onupokara exiko ipunaka; zupokaryhtao oya ozehno exĩko mana. Yrome tuaro exikety zupokaryhtao oya topeme oekarõko mana.

Jo 42:6

Morara exiryke ehxirõko ase joturutopõpyry poko emero. Yyrypyry tõ ekarõko ase oya, taro typorohse jahtao nono pona, oruno htao.”

2 Samueu 19:22

Yrome ynara tykase Tawi Apisai a irui Joape a roropa: — Õsenetuputyry onekaropopyra akene. Seroae jakorekehkãko matose. Seromaroro Izyraeu tuisaryme ase. Naeroro orihpyra Izyraeu tõ mã exĩko seroae.

Tiaku 3:10

Tuna enatyry wino tuna kurã maro tuna itunety oehpyra mana; tuna inehsãme exikety wino tuna kurã oehpyra mana. Morararo wikeira toperyme rokẽ eperytãko mana; tyorõme eperytara mana. Uwa zoko fikume eperytara mana. Kỹtarykõ toiro repe. Yrome toiro myta poe asakoro tũtãko mana: omi kurano, omi rypyry, enara. Jakorõ tomo, morara ahtao popyra mana!

João 16:9

Jenetupuhpyra sero nono põkõ mana. Morara exiryke toto rypyry zumakapõko mana, jenetupuhpyra toto exiryke.

Ruka 9:54

Morara exiryke ynara tykase João tomo, Tiaku maro Jezu a: — Otarãme, kure oya apoto kohmary yna a kapu ae, moxiã enahkatohme, pake ehtopõpyry samo, Eria a apoto kohmatopõpyry samo, tykase toto Jezu a.

Ruka 9:56

Ahno enahkase pyra tooehse ywy Ritonõpo nymenekahpyryme. Toto pynanohse rokẽ tooehse ywy, tykase Jezu eya xine. Mame imepỹ pata pona toytose toto.