Ruka 9:45 - Ritonõpo Omiry: A Bíblia Sagrada na língua Aparai do Brasil

⁴⁵ Morarame aomiry onenetupuhpyra toh kynexine tonẽse sã exiryke eya xine. — Oty kary se mose nae? tykase toto oseya rokene. Yrome eya: “Oty kary se hko hmano?” kara toh kynexine, ihxipỹke toexirykõke.

Ruka 9:45 ပူးပေါင်းရင်းမြစ်များ

Ruka 18:34

Yrome morara katopõpyry onenetupuhpyra Jezu poetory tõ kynexine. Jarao pyra Jezu nurutatoh kynexine eya xine. Ihtomary poko onenetupuhpyra toh kynexine.

João 12:16

Yrome Jezu poetory kynexine onenetupuhpyra aporo moro poko. Imeĩpo tonetupuhse toto a, tõsemãse ropa Jezu ahtao, tõnuhse ropa ynororo ahtao roropa kakoxi. Emene tutuarõtase ropa toto Ritonõpo omiry poko. Ritonõpo nekarotopõpyry ae ro Jezu poko tutuarõtase toto.

Ruka 2:50

Yrome aomiry onenetupuhpyra toto jeny tynio maro.

Maku 9:32

Zuaro pyra sã ipoetory tõ kynexine. Yrome oturupopyra toh kynexine aomihpyry poko tyhxirorykõino.

João 14:5

Ynara tykase Tome: — Aza ytõko ma? Zuaro pyra ynanase. Oesemary waro pyra roropa ynanase, tykase.

João 12:34

Mame ynara tykase imoihmãkomo Jezu a: — Ritonõpo nymeropohpyry Moeze a ynara ãko: “Ritonõpo nymenekahpyry orihpyra mana jũme,” ãko. Yrome omoro ynara ãko: “Kapu ae Ayhtohpyry orihnõko mana,” ãko mase. Onoky Kapu ae Ayhtohpyry na taro? tykase toto tõturupose eya.

Maku 9:10

Morara exiryke onekãtopyra tokurehse toto. Oxime rokẽ tõturuse toto. — Otara nykã hkoty: “Jorihxĩpo tõsemãse ropa jahtao rokẽ mekarotatose,” nykano, tykase toto oxime rokene.

Mateu 16:22

Morarame imehnõ myhtoino Jezu tarose Peturu a zurutohme takorony a tõturutoh samo. Ynara tykase ynororo: — Morara kara exiko Jezu. Ritonõpo sãtã oetapapopyra mana. Orihpyra sãtã mase, tykase Peturu eya.

Ruka 9:46

Morarame oseya toh tõturuse 12mãkomo: — Onokãkõ imehxo nae taro, tuisamehxo? tykase toto, typoko xine rokene.

Mateu 17:22

Morarame Karirea po tõximõse ropa toto, Jezu maro ipoetory tomo. Mame ynara tykase Jezu typoetory tomo a: — Kapu ae Ayhtohpyry ekarõko mã toto imehnomo a.

João 4:33

Mame tõturuse toto oseya rokene: — Otokoino tynahke nexino? Otarãme imepỹ inapyry enehno, tykase ipoetory tomo oseya rokene.