Ruka 9:43 - Ritonõpo Omiry: A Bíblia Sagrada na língua Aparai do Brasil

⁴³ Morarame tõsenuruhkase morotõkõ emero Ritonõpo jamitunuru eneryke tyya xine. Mame mokaro osenuruhkaryhtao ro tõturuse ropa Jezu typoetory tomo a:

Ruka 9:43 ပူးပေါင်းရင်းမြစ်များ

Saumu 139:14

“Kure mase,” ãko ase oya orẽpyra oexiryke. Tomeseke sã tyrise ywy oya, kure kuhse onyrityã mana, moro waro ase rahkene.

Zakaria 8:6

Moro otarame exisaromepyra ekarõko aehtyamo Papironia poe, namoto tõme ehxĩpo. Yrome ya moro exĩko mana, Ritonõpo Jamihmehxo Exiketyme jexiryke.

Mateu 17:22

Morarame Karirea po tõximõse ropa toto, Jezu maro ipoetory tomo. Mame ynara tykase Jezu typoetory tomo a: — Kapu ae Ayhtohpyry ekarõko mã toto imehnomo a.

Maku 6:51

Mame kanawa aka tõtyrise ropa ynororo. Mame tyryrykane tymynyhpãkapose. Moro eneryke tyya xine tõsenuruhkase toto ipoetory tõ itamurume onenetupuhpyra ro toexirykõke.

Ruka 18:43

Axĩ tõsenuhmapitose ropa ynororo. Mame Jezu tokahmase eya, kure Ritonõpo ekarõko tonure ropa toehse toexiryke. Mame moro eneryke tyya xine, imoihmãkomo a roropa kure Ritonõpo tokarose. — Kure mase, Ritonõpo, tykase toto.

Ruka 4:36

Mame tõsenuruhkase toto, moro taõkõ emero. Ynara tykase toto oseya: — Otãto puhko keh mose omiry nae? Joroko tõ tũtanohpõko ropa nae, tõmiry ke rokene. Orẽpyra toexiryke, aomiry jamihme nase, tykase toto.

Ruka 5:26

Mame morotõkõ tõsenuruhkase. — To! Mose ro panõ onenepitopyra reh sytatose, tykase toto. Enaromỹke toh toehse. — Kure nymyry mase Ritonõpo, tykase roropa toto. — Ritonõpo jamitunuru kurã senetou seromaroro, tykase toto.

Ruka 5:9

Tõsenuruhkase toto tuhke kana eneryke tyya xine.

Ruka 8:25

Mame ynara tykase ynororo typoetory tomo a: — Otoko ahtao keh jenetupuhnõko matou? tykase Jezu eya xine. Tõsenuruhkase toto. Enaromỹke roropa toh toehse. Ynara tykase toto oseya rokene: — Onoky keh mose ro? Tõmiry ke rokẽ tyryrykane mynyhpãkapone, pohkane roropa aomi poe tymynyhpãse, tykase toto oseya rokene.

Ruka 9:42

Mame jumy a tonehse ahtao, joroko a tomase ropa nono pona. Takurotanohpose roropa eya. Mame ynara tykase Jezu joroko a: — Otũtako ropa joroko, tykase Jezu. Mame tutũtase ropa rahkene. Tukurãkase ropa poeto eya. Morotoino jumy a tokarose ropa eya.

2 Peturu 1:16

Imehnõ omihpyry etaryke pyra Jezu Kyrixtu Kuesẽkõ oepyry ropa poko otuarõtanohpõko ynanase, tuisamehxo aepyry poko roropa. Yna enuru ke imehxo aexiry ynanenease.