Ruka 8:54 - Ritonõpo Omiry: A Bíblia Sagrada na língua Aparai do Brasil

⁵⁴ Mame aorikyhpyry emary tapoise Jezu a. Ynara tykase ynororo opore eya: — Orymo, owõko ropa ty, tykase eya.

Ruka 8:54 ပူးပေါင်းရင်းမြစ်များ

Jeremia 31:32

Sero jomiry jomihpyry pakato sã pyra exĩko mana, ynekarohpyry itamuru tomo a emarykõ tapoise ahtao ya, toto tarose ahtao roropa ya Ejitu nonory poe. Mokaro pyno exiase, typyty pyno inio ehtoh saaro, yrome jomihpyry omipona pyra toh nexiase.

Mateu 9:25

Mame tutũtase ropa toto emero porehme. Mame toto esahpokoxi Jezu kynomõne aorikyhpyry anỹse ropa emary poko. Mame tõsemãse ropa rahkene.

Maku 1:31

Morarame kurãkara anỹne ropa tomary ke. Axĩ tõxirohkehse ropa ynororo. Towõse ropa ynororo. Mame tautuhmase toto mokyro a, kuranõpokara a.

Maku 8:23

Mame Jezu a kurãkara tarose ameke emary poko pata ehpikoxi. Ituh tykase ynororo enuru pona. Mame enuru tapose eya: — Osenuhmãko ma? tykase, tokaropose eya.

Maku 9:27

Mame tanỹse ropa Jezu a tomary ke. Towõse ropa.

Ruka 8:51

Mame itapyĩ taka toeporehkase tahtao tymaro imehnõ anaomõnohpopyra kynexine. Peturu tõ rokẽ tymaro tarose eya, Peturu, João, Tiaku, poeto zumy, jeny, mokaro rokẽ tarose tapyi taka.

Ruka 8:53

Yrome Jezu tounohse eya xine, aorikyhpyry waro toexirykõke.

Ruka 8:55

Morara kaxĩpo sã rokẽ Jezu a tõsemãkase ropa aorikyhpyry. Towõse ropa ynororo. Morarame: — Autuhmatoko ropa, tykase Jezu eya xine.

João 11:43

Morara kaxĩpo opore kynomitane Jezu: — Razaru, osehko moro tae xiaro, tykase Jezu aorikyhpyry a.

João 5:21

Aorihtyã ẽsemãkaponeme ropa mã Papa Kapuaono. Isaaro ase aorihtyã ẽsemãkaponeme ropa ase.

Atos 9:40

— Ytotoko ropa sero tae mõ taka, tykase Peturu pytỹpo tomo a. Mame tosekumuru po typorohse ynororo tõturutohme Ritonõpo a. Okepy ẽpataka toeramase Peturu. Ynara tykase ynororo: — Tapita owõko, tykase ynororo. Tõsemãse ropa aorikyhpyry. Pĩpokah tykase ropa ynororo. Mame Peturu eneryke tyya sokohme towõse ropa.

Romanos 4:17

Ynara tymerose Ritonõpo omiryme: “Jomi poe tuhke pata põkõ ynara ãko, ‘Kytamurukõme Aparão mana isaaro Ritonõpo enetuputyryke kyya xine,’ ãko,” tykase Ritonõpo Aparão a. Ritonõpo tonetupuhse Aparão a, aorihtyã ẽsemãkaponeme ropa kynenetupuhne. Tõmiry ke emero tyriry waro exiketyme roropa, kynenetupuhne.