Ruka 8:53 - Ritonõpo Omiry: A Bíblia Sagrada na língua Aparai do Brasil

⁵³ Yrome Jezu tounohse eya xine, aorikyhpyry waro toexirykõke.

Ruka 8:53 ပူးပေါင်းရင်းမြစ်များ

Jo 12:4

Jeunohnõko jepe tõ mana, ywy, ajohpe pyra exikety, zae exikety. Oturuase Ritonõpo a, mame tozuhse ywy eya.

Jo 17:2

Jeunohnanõ japurũko mã toto, aomirykõ eanahtõko ase.

Saumu 22:7

Jeneryhtao emero eunohnõko mã toto, tunurukõ enepõko mã toto, tupuhpyrykõ wykywykyhmãko mã toto.

Izaja 53:3

‘Ahno kahpyry mokyro, surumekatone,’ tykase toto ipoko. ‘Toetuarimase ynororo, sam kakehpyra nexiase, yrome toanahtose eya toemynyhmaryme.’ Aytory tonese ahtao kyya xine toeramase rokẽ sexiatose enery se pyra kuexirykõke. ‘Ahno kahpyryme rokẽ mokyro,’ sekaroatose. ‘Kure mokyro mana,’ kara sexiatose.

Mateu 9:24

Mame ynara tykase Jezu eya xine: — Otũtatoko taroino emero porehme. Mose orihpyra mana, nyhnõko rokene, tykase. Yrome typoihtopitose eya xine.

Ruka 16:14

Mame parixeu tomo a Jezu omiry totase. Mõkomo sato kõ ynaroro, tineru roropa se ynaroro. Naeroro Jezu typoihtose eya xine.

Ruka 8:52

Emero tyhnamose tapyi taõkomo a. Kui tykase roropa toto. Yrome ynara tykase Jezu eya xine: — Xitara ehtoko. Orihpyra nase. Nyhnõko rokẽ nase, tykase ynororo.

Ruka 8:54

Mame aorikyhpyry emary tapoise Jezu a. Ynara tykase ynororo opore eya: — Orymo, owõko ropa ty, tykase eya.

João 11:39

— Apuru isyryhmatoko, kynako Jezu. Ynara tykase Maata, aorikyhpyry oryxiry: — Otarãme tymotase mana. Asakoropane nẽmehno moroto, tykase eya aoryxiry.