Ruka 8:25 - Ritonõpo Omiry: A Bíblia Sagrada na língua Aparai do Brasil

²⁵ Mame ynara tykase ynororo typoetory tomo a: — Otoko ahtao keh jenetupuhnõko matou? tykase Jezu eya xine. Tõsenuruhkase toto. Enaromỹke roropa toh toehse. Ynara tykase toto oseya rokene: — Onoky keh mose ro? Tõmiry ke rokẽ tyryrykane mynyhpãkapone, pohkane roropa aomi poe tymynyhpãse, tykase toto oseya rokene.

Ruka 8:25 ပူးပေါင်းရင်းမြစ်များ

Porowepio 30:4

Onoky nae tuaro exiketyme kapu ehtoh poko emero? Onoky nae tyryrykane apoihpono tomary ke? Onoky nae tuna ãtyhtõko kamisa ke? Onoky nae sero nono ehpiry tõ meroneme? Mokyro esety waro hma? Imũkuru esety waro roropa hma? Kaxiko zuaro awahtao.

Porowepio 8:29

tuna taunuhmapokehse ahtao eya, esary ehpio onymotyẽkara ehtohme. Moroto exine sero nono apõ tyrise ahtao eya.

Mateu 14:31

Axĩ tomary ke Peturu tapoise Jezu a. — Yronymyryme pyra jenetupuhnõko mase. Oty katoh jenetupuhpyra make? tykase Jezu Peturu a.

Mateu 17:20

Ynara tykase Jezu eya xine: — Pitiko rokẽ jenetuputyryke oya xine tũtara joroko kynako, õmipona xine pyra kynako. Etatoko pahne, jenetuputyryhtao oya xine pitiko repe, moxitatu puhturu samo, ynara ãko matose sero somohmã netaryme: “Ytoko esyryhmako mõtona,” ãko matose. Mame õmi poe xine esyryhmãko mana. Emero tyriry waro exĩko matose.

Mateu 6:30

Ritonõpo ona Rihpõ mokyro. Axĩ onahpoty ahtanohpõko mana, ahtanohpory se tahtao. Yrome axĩ orihnõko ropa mana onahpoty. Axĩ roropa enahnõko mana apoto ke tyahkase ahtao. Morararo oupõkõ riry tupime pyra Ritonõpo a. Onahpoty pyno toexiry motye opyno xine toexiryke pitiko rokẽ tonetuputyryhtao ro oya xine.

Mateu 8:10

— To! tykase Jezu morara kary etaryke tyya. Mame ynara tykase Jezu imoihmãkomo a: — Etatoko pahne, mose juteu kara. Yrome jenetupuhnõko nase yronymyryme. Ipanõ onenepitopyra ywy taro juteu tõ rãnao.

Mateu 8:26

— Oty katoh oserehnõko matou? Jenetupuhpyra ro hmatou? tykase eya xine Jezu. Mame towõse ynororo. Ynara tykase tyryrykane a, pohkane a roropa: — Omynyhpãko, tyryry kara exiko, tykase. Mame axĩ tyryry kara toehse. Pohkara roropa toehse. Mynytyme konõto rokẽ toehse.

Maku 4:35

Morarame tykohmãse ahtao: — Ehmaropa ikuhpo mõpozakoxi, tykase Jezu typoetory tomo a.

Ruka 12:28

Onahpoty rineme roropa Ritonõpo mana. Okynã pyra onahpoty mana. Nae ro mã repe seromaroro. Yrome yrokokoro pake tonahse. Zahnõko roropa mana apoto ke, xixi ke, enara. Otytyko ekuru typyne pyra mana. Yrome Ritonõpo ipyno ro mana. Morohne pyno exiry motye kuhse Ritonõpo opyno xine exiry mana. Naeroro õpenerykõ ekarõko oya xine mana. Morara exiryke: “Nary rokene,” kara ehtoko kure Ritonõpo ehtoh poko. Enetupuhtoko Ritonõpo opyno xine exiry.

Ruka 8:24

Morara exiryke axĩ Jezu tõpakase ropa eya xine. Ynara tykase toto: — Jezu, Jezu, nerỹko reh sytatohse, tykase toto. Mame Jezu towõse ropa. Tõmiry ke tyryrykane tymynyhpãkapose eya, pohkane roropa tymynyhpãkapose. Mynytyme tuna toehse ipunaka.

Ruka 8:26

Morotoino toeporehkase toto Keraza pona, Karirea mõpozakoxi.

João 11:40

Ynara tykase Jezu eya: — “Enetuputyryhtao oya, Ritonõpo jamitunuru enẽko mase,” ykã puh oya, tykase Jezu eya.