Ruka 7:50 - Ritonõpo Omiry: A Bíblia Sagrada na língua Aparai do Brasil

⁵⁰ Mame ynara tykase Jezu nohpo a: — Tonetupuhse oya jexiryke typynanohse mase. Ytoko ropa. Torẽtyke pyra exiko, tykase Jezu eya.

Ruka 7:50 ပူးပေါင်းရင်းမြစ်များ

Ekereziaxti 9:7

Naeroro otuhko ãtãkyemaryme; uwa eukuru ẽko õseahmaryme. Morohne riry oya kure Ritonõpo a mana.

Apakuke 2:4

Ynara ãko mana: popyra ehtoh poko exiketõ tonahkasẽme exĩko mã toto. Yrome zae ehtoh poko exiketõ isene exĩko mã toto, zae Ritonõpo ehtoh enetuputyryke eya xine.”

Mateu 9:22

Mame zupõ tytemuhmase eya rahkene. Mame Jezu kynosenuhmane tỹkakoxi, tupõ tytemuhmase exiryke. Ynara tykase ynororo: — Enaromyra exiko kuku. Tonetupuhse oya jexiryke tukurãkase ropa mase, tykase Jezu eya. Axĩ toekurãkase ropa ynororo. Kure toehse ropa.

Maku 10:52

Mame Jezu a tozuhse: — Ytoko. Tonetupuhse oya jexiryke okurãkãko ropa ase. Axĩ tonure toehse ropa ynororo. Mame Jezu maro toytose ynororo osema ae.

Maku 5:34

Morarame ynara tykase Jezu: — Kuku, jupõ mytemuhmano okurãkatohme. Kuenetupuhno. Morara exiryke kure ytoko ropa. Tukurãkase ropa mase, tykase Jezu eya.

Ruka 17:19

Mame ynara tykase ynororo ipũ imotahpyrỹpyry a: — Owõko. Ytoko ropa. Ritonõpo enetuputyryke oya tukurãkase ropa mase, tykase Jezu eya.

Ruka 18:42

Ynara tykase Jezu eya: — Osenuhmako ropa. Tonetupuhse jexiryke oya tukurãkase ropa mase, tykase.

Ruka 7:9

Mame morara kary totase ahtao Jezu a: — To! tykase. Tõsenuruhkase. Mame tymarõkomo a toeramase ynororo, ynara tykase eya xine: — Tonetupuhse ywy mokyro a yronymyryme. Juteu kara mokyro repe yrome jenetupuhno. Mokyro panõ onenepitopyra reahse Izyraeu tõ htao. Morara exiryke inamoto kurãkãko ropa ase, tykase eya xine Jezu.

Ruka 8:18

— Naeroro tuaro ehtoko, tomeseke roropa ehtoko onetahpyrykõ poko. Nae exiketõ tuhkehxo apoĩko. Yrome arypyra exiketõ ikyryrykõ ipuxihkãko emahpoe xine. Morararo kure jomiry etaryhtao oya xine tuhkehxo enetupuhnõko matose. Yrome jomiry kure onetara awahtao xine jomiry poko wenikehnõko matose, tykase Jezu eya xine.

Ruka 8:42

Jẽxiry itamurume kure pyra mana. Orihnõko mana, tykase ynororo Jezu a. Ẽxiry 12me jeimamyry nae kynexine, toirono. Morarame imaro Jezu toytose ahtao imoihmãkomo a tapurupose, tuhke ahno exiryke.

Ruka 8:48

Morarame ynara tykase Jezu eya: — Kuku, tonetupuhse jexiryke oya tukurãkase ropa mase. Naeroro oserehpyra exiko. Kure rokẽ ytoko ropa, tykase Jezu eya.

1 Samueu 1:17

Mame morara kary etaryke tyya, ynara tykase Eri: — Ỹ, ytoko ropa. Torẽtyke pyra exiko. Onekaropohpyry ekarõko Ritonõpo mana Izyraeu Esẽ oya, tykase.