Ruka 7:41 - Ritonõpo Omiry: A Bíblia Sagrada na língua Aparai do Brasil

⁴¹ — Asakoro orutua kõ kynexine, tosẽkõ tinerũ apoihpõkomo. Toiro orutua a tineru tapoise 500 miume. Imepyny a 50 miume rokẽ tapoise.

Ruka 7:41 ပူးပေါင်းရင်းမြစ်များ

Izaja 50:1

Ynara ãko Ritonõpo mana: “Taropose ropa ya ekarõko matou, typyty aropory sã inio a? Morara ahtao otoko na apapeny, ypyty aropotoh papeny? Otarame ynara ekarõko matose: Imehnõ namotome kuekaroatose tineru apoitohme ya, ynepehmary epehmatohme. Arypyra! Tarose mexiatose imehnõ namotome oorypyrykõ pokoino; kuaropoatose popyra ehtoh poko oexirykõke.

Jeremia 3:11

Mame ynara tykase Ritonõpo ya: Izyraeu tomo a turumekase jahtao ro, itamurume hkopyra iirypyrykõ mana; Juta zae pyra ehtoh sã pyra.

Numeru 27:3

— Yna zumy toorihse ona tonorẽ po tumũkue pyra orutuame. Kora maro pyra nexiase, Ritonõpo omipona pyra exikety maro pyra, yrome tamoreme toorihse ynororo tyyrypyry emetakame.

Mateu 18:28

Mame mokyro tutũtase ropa tãkye, onepehmapopyra tosẽ toehse exiryke. Yrome toytory ropa ahtao imepỹ tonese eya, topehmara exikety roropa. Mame ynara tykase ynororo eya: “Otara ahtao jepehmãko mah?” tykase eya rahkene. Tuhke pyra inepehmary kynexine repe, pitiko rokene. Yrome esenary poko tapoise eya topehmara exiryke. Tosenakorõkorõmase eya epehpyry sato a jehno toehse toexiryke. “Axĩ ke kuepehmako emero porehme,” tykase ynororo eya.

Mateu 6:12

Yna rypyry roropa ikorokako Papa, yna ryhmahpõkõ rypyry korokapory sã yna a.

Maku 6:37

Yrome Jezu a tozuhse toto: — Autuhmatoko toto, tykase ynororo eya xine. — Oty ke? tykase toto. — Yna ytory se hma wyi epekahse? Tineru 200mã ke wyi topekahse ahtao ipune pyra mana, ahno tuhke exiryke, tykase toto tosẽkomo a.

Ruka 11:4

Yna rypyry ikorokako ropa imehnõ rypyry korokapotoh sã yna a oya. Moromeĩpo wenikehnõko mase yna rypyry poko imehnõ rypyry poko yna wenikehtoh samo. Joroko tamuru a yna onukuhpopyra exiko,” kaxitoko Ritonõpo a, tykase Jezu eya xine.

Ruka 12:48

Morararo imehnomo. Tuenikaroro rokẽ popyra toehtohkõ poko tosẽkõ omihpyry waro pyra toexirykõke, mokaro wãnohnõko roropa mã esẽkomo pitiko rokene. Ynara exiryke, itamurume tokarose ahtao typoetory a mokyro wino itamurume ise ropa mã esemy. Tuhke tokarose eya exiryke tuhke ise ropa mã eya esemy, tykase Jezu eya xine.

Ruka 13:4

— Mokaro roropa ke, Xiroe põkomo? Otara ãko roropa hmatou 18mãkõ pona tapyi epukatopõpyry poko? Jerusarẽ põkõ motye roropa iirypyryme nexiase toto?

Ruka 7:40

Morarame ynara tykase Jezu Ximão a: — Ximão, jotururu se ase amaro, tykase. — Oty poko? tykase. — Kaxiko, kuuruko, tykase Ximão Jezu a. Mame ynara tykase Jezu:

Ruka 7:47

Morara exiryke ynara ãko ase oya, mose ypoko toenupunatoh ke otuarõtanohtorỹko mana tyyrypyry tuhke korokatopõpyry poko ya. Imepỹ mã pitiko tyyrypyry tykorokase ahtao, morararo pitiko rokẽ ypoko enupunãko mana, tykase Jezu parixeu a.

Romanos 3:23

Kymarokõ emero tyyrypyhpyke. Osepune pyra sytatose, Ritonõpo kure exiry maro.

Romanos 5:20

Ritonõpo a tynymeropohpyry tokarose Atão pakõ amorepatohme, iirypyryme toehtohkõ waro toto ehtohme. Yrome tyyrypyrykõ poko itamurumehxo toehse toto sero põkomo. Orihnõko mã toto emero, iirypyryme toexirykõke. Ritonõpo maro pyra exĩko mã toto. Yrome Ritonõpo itamurumehxo sero põkõ pyno mana.