Ruka 6:21 - Ritonõpo Omiry: A Bíblia Sagrada na língua Aparai do Brasil

²¹ — Tãkye roropa matose omise exiketomo. Imeĩpo otuhnõko matose. Tuesapare exĩko roropa matose. — Amarokõ roropa xitaketomo, tãkye ehtoko. Imeĩpo exianãko ropa matose.

Ruka 6:21 ပူးပေါင်းရင်းမြစ်များ

Jenexi 17:17

Tosekumuru po typorohse Aparão tõmyty po nono pokoxi roropa eya Ritonõpo ẽpataka. Toexianapitose ynororo moro poko tõsenetuputyry ke: — Orutua emũkuasaromepyra 100me jeimamyry nae ahtao. Sara roropa emũkuasaromepyra mana 90me jeimamyry nae ahtao?

Jenexi 21:6

Morarame ynara tykase Sara: — Ritonõpo nekarohpyry poko tãkye toehse ywy. Exianãko ase. Moro poko etaryhtao imehnomo a ymaro exianãko roropa mã toto.

Saumu 107:9

Tutunazehnase exiketomo a tuna ekarõko mana aukurukõme, tonahsẽ kurã ekarõko mana omise exiketomo a.

Saumu 119:136

Iporiry sã yxity serere ãko, ikurenaka jenuru tõ poe, õmihpyry omipona pyra ahno tõ exiryke.

Saumu 143:6

Jemary tõ anỹnõko ase oneneryme, Ritonõpo, jotururume oya; nono tonorẽ sã tuna zehnãko ase opoko.

Saumu 17:15

Yrome oenẽko ase, azahkuru pyra jexiryke; mame typakase ropa jahtao, oẽpataka atãkyemãko ase oeneryke ya.

Saumu 28:7

Jewomãko Ritonõpo mana, yjamitunurume roropa mana; Jesẽme enetupuhnõko ase. Jakorehmãko mana; morara exiryke atãkyemãko ase, eremiatoh kurã eremiãko ase Ritonõpo eahmaryme.

Saumu 65:4

Tãkye mã mokaro onymenekatyamo, oya oehnõko mã toto atapyĩ taka ehse! Tãkye exĩko ynanase, tuesapare exiketõ samo, okyryry kurã poko Atapyĩ tao, amaro Oturutoh kurã tao.

Izaja 25:6

Ypy Xião po otuhtoh konõto rĩko Ritonõpo Jamihmehxo Exikety mana, emero nonory põkõ otuhtohme; tonahsẽ rĩko mana, tõsẽ kurãkomo eukuru jehnahpyry kurã roropa.

Izaja 30:19

Jerusarẽ põkomo, Xião põkomo, xitara exĩko matose. Ritonõpo Oesẽkõ kohmaryhtao oya xine ãkorehmatohkõme, nupunato oenetorỹko mana; opyno xine exĩko, õmirykõ etãko, ãkorehmatorỹko roropa mana.

Izaja 66:10

Atãkyematoko Jerusarẽ põkõ maro, eremiatoko imaro jeahmaryme, ipyno exiketõ emero. Atãkyematoko Jerusarẽ põkõ maro, tyhnamose ipoko aexityã emero.

Jeremia 13:17

Otato pyra awahtao xine, xitãko ase tokare pyra opoko xine oepyryparykõke. Xitãko ase yronymyryme, yxity kuãnõko ase Ritonõpo poetory tõ tarose exiryke imehnõ namotome.

Jeremia 31:25

Totaehse exiketõ sekese toto ripõko ropa ase, tonahsẽ ekarõko ase omise exiketomo a roropa emero.

Jeremia 31:9

Mokaro enepyryhtao ya, oehnõko mã toto xitãko, oturũko roropa ya. Toto arõko ase tuna ehpikoxi iporiry tõ pona, osema kuraraximã poro, moroto osetapara exĩko mã toto. Izyraeu tõ zũme ase, Eparaĩ umũkurume mana osemazuhme aenuruhpyryme.”

Jeremia 9:1

Jupuhpyry tuna pẽkamãme ehtoh sã se ase repe, jenuru soesoekaneme sã se ase roropa repe yxity ke, ywy yxitatohme saereme, koko roropa wekyry tõ hnamoryme, totapase aexityamo.

Ezekieu 7:16

Toitoine orihpyra exiketõ epãko mã toto utuku samo jakanahmã poe ypy tõ pona. Moroto pusuh ãko mã toto xitãko roropa tyyrypyrykõ poko.

Ezekieu 9:4

Ynara tykase: — Ytoko pata Jerusarẽ rãnakuroko ahno merotohme ipery pokona, emero emynyhmaketomo kananomo te, pusuh kananomo roropa emero typenekehse exiketomo popyra ehtoh poko sero põkõ nyrityã poko sero pata po.

Mateu 5:4

— Oxitarykohtao oorypyrykõ poko oorypyrykõ rumekary se oexirykõke, tãkye exĩko ropa matose. Ritonõpo poe xitara exĩko ropa matose.

Mateu 5:6

— Ritonõpo omipona se awahtao xine yronymyryme tãkye exĩko matose Ritonõpo poe. Zae ehtoh ekarõko roropa Ritonõpo mana oya xine.

Ruka 1:53

Omise exiketõ tautuhmase kurã ke. Yrome tymõkomokã tonyohse ropa eya tymõkomoke pyra ropa, tomahpõke pyra roropa.

Ruka 6:20

Morarame typoetory tõ tonese Jezu a. Ynara tykase ynororo eya xine: — Tãkye matose, tymõkomokãkara. Ritonõpo oesẽkõme enetuputyryke oya xine tãkye exĩko matose.

Ruka 6:22

— Tãkye matose ozehno xine imehnõ ahtao Kapu ae Ayhtohpyry poetoryme oexirykõke. Orumekatorỹko imehnõ mã repe, opoihtotorỹko roropa toh mã repe, onetãpatorỹko roropa mã toto ypokoino.

Ruka 6:25

— Atãkyemãko matose repe, tuesapare exiketomo. Imeĩpo atasamãko ropa matose. Emitapãnõko roropa matose. — Amarokõ roropa exianaketomo, imeĩpo atasamãko ropa matose, ihnamõko matose, xitãko.

João 11:35

Tyxitase Jezu.

João 4:10

Ynara tykase Jezu eya: — Ritonõpo nekarory onenetupuhpyra mase. Jenetupuhpyra roropa mase. Tonetupuhse oya jahtao: “Oya hko tuna se ano,” mykary ya. Mame tuna kurã ekarory oya soesoekane panõ ekarory oya, orihpyra oehtohme jũme, tykase Jezu nohpo a.

João 6:35

— Ourukõme nymyry ase, tykase Jezu eya xine. — Ya ooepyrykohtao omise pyra exikety sã exĩko matose. Tãkye rokẽ exĩko matose jenetuputyryhtao oya xine. Tuna se pyra exikety sã exĩko matose tãkye rokene, tykase ynororo eya xine.

1 Korĩtiu 4:11

Emitapãnõko ynanase. Tuna zehnãko roropa ynanase. Upõpo xihpyry ke tõtupohtose ynanase. Typipohse ynanase. Tosake pyra yna exiryke, ytoytõko rokẽ ynanase pata tõ poro.

2 Korĩtiu 11:27

Itamurume erokuase, totaehse exiase; tuhke nyhpyra tõmehse exiase; tomitapãse exiase, tuna se toehse roropa exiase; tuhke rokẽ tohke pyra tykohmãse exiase, tytapyike pyra, tupoke pyra roropa.

2 Korĩtiu 12:10

Tãkye ase kokoro rokene, jamihme pyra jahtao ro. Tykerekeremase jahtao tãkye ro ase. Jetuarimaryhtao tãkye ro ase, taosanumase jahtao tãkye ro ase. Morohne emero toehse ahtao Kyrixtu poetoryme jexiryke otara kara, tãkye ro ase. Ynara exiryke, jamihme pyra jahtao, jamihme kuhse ase ymaro Kyrixtu exiryke.

2 Korĩtiu 6:10

Emynyhmãko ynanase. Yrome tãkye exikehpyra ynanase. Tytineruke pyra exiketõ sã ynanase. Yrome tuhkãkomo a Ritonõpo nekarohpyry kurã ekarõko ynanase tytineruke exiketõ motye toto ehtohme Jezu enetuputyryke eya xine. Tymõkomoke pyra sã ynanase. Yrome emero nae ynanase.

Tiaku 1:12

Kuetuarimarykohtao poremãpyra sehtone, tãkye rokẽ sehtone. Mame kukuhtopõpyrykõ tõtyhkase ahtao, jũme orihpỹme kyritorỹko Ritonõpo mana, kuepehpyrykõme, poremãpyra toehse kuexirykõke. Kuesẽkõ maro exĩko sytatose, emero ise exiketõ maro. Morara tykase Ritonõpo exiryke tuaro sytatose.

Apokaripxi 21:3

Mame omi etase opore exikety, Ritonõpo apõ poe: — Seromaroro Ritonõpo esary nono põkõ maro mana. Toto maro osesarĩko mana. Toto esẽme exĩko mana.

Apokaripxi 7:16

Emitapãpyra roropa mã toto jũme. Tuna zehnara roropa mã toto. Toto onyahkara roropa xixi mana. Imepỹ axitunety roropa toto onyahkara mana